٤ كافيهات ومحلات زهور بنفس الوقت!

جمعنالكن بهالمقال كافيهات ومحلات زهور بنفس الوقت، لتدلعوا حالكن بفنجان قهوة سخنة وبباقة ورد! وين ما تقعدوا بهالمحلات، بتعيشوا جو من الراحة والحب. يلا نكتشف سوا:

١. Bouquet Délicieux، بادارو

هالمحل بيجمع كل شي بتحبوا، أكل طيب، ورود حلوة، وتذكارات. بتفوتوا بتلاقوا حواليكن ورود وأشغال يدوية بتجنن. فيكن تاخدوا قهوتكن عمهلكن أو تختاروا وردة أو تذكار زغير تهدو لحدا بتحبو. القعدة مريحة والجو بيفتح النفس، بتقدروا تشربوا فنجان قهوة وتستمتعوا بجمال الورود ورحيتن وتتصوروا.

الرقم: 291 201 03

٢. Flower Bean and Co.، الجية

بتشربوا قهوتكن وبين إيديكن وردة حلوة. القعدة كتير مكنكنة وبتحسوا حالكن بمكان كلو حب ورومانسية. من القهوة للسندويشات. فيكن حتى تشتروا وردة مع فنجان قهوة كهدية زغيرة بيعملوها خاصة بالمحل. عندن كل أنواع القهوة السخنة والباردة وحلويات وسندويشات شغل.

الرقم: 067 070 70

٣. La Ménagerie، كليمنصو والأشرفية

هالمكان قطعة من عالم تاني، كافيه وكأنو جنة زغيرة مزينة بالورد! عندن كل شي بتحلمو في، يعني ورد وقهوة وأكل طيب. لما تخلصوا قعدتكن، فيكن ببساطة تاخدوا أجمل وردة وتهدوها للحدا لي معكن.

الرقم: 671 888 81

٤. Joy Beirut، قريطم

كافيه ومحل ورود جايبلكن جو الكافيهات الباربيسية الموردة مع جو موديرن بس مكنكن. فيكن تجيبوا بالونات وورد، تشربوا قهوة ولا أطيب، وتجربوا الحلو الشهي عندن. القعدة فرحة والمكان كلو أجواء إيجابية، وما بتكمل القعدة بلا كام صورة بتخلوها ذكرى حلوة!

الرقم: 589 996 03

شوفوا كمان، ١٩ نشاط ربيعي ممكن تعملوهن بلبنان.