أحلى 10 بيوت ضيافة مخفية حول لبنان

إذا كنتوا بتحبّوا تكتشفوا أماكن ما كتير ناس بتعرفها، جمعنالكن 10 من أروع بيوت ضيافة يلي منعتبرها جواهر مخفية حول لبنان! من الجبل للبحر، من الشمال للجنوب، كل مكان فيه نكهتو الخاصة، وضيافتو الحلوة وأجواؤه الساحرة. حضّروا حالكن لرحلة بتاخدكن لأحلى زوايا بلبنان!

1. House of Sun and Moon، أنفه

بيت الشمس والقمر، وبيت الفنان بأنفه. هالجوهرة بتاخدكن لعالم من الإبداع والألوان، وبتضيف شوية سعادة ع عطلتكن! فيكن تقضوا وقت خاص مع يلي بتحبوهن، ومن بعدها تروحوا تمشاية ع شط أنفه!

للحجز، اكبسوا هون. 

2. The Canvas، الجميزة

بيت بيروتي تراثي عم يناديكن لتعيشوا جو الجميزة من الغرف الحلوة، البلكونات المطلة، والمشاوير الليلية! القناطر لحالها بتحكي عن جمال هالمكان، مع فنجان القهوة ع البلكون بتطلع صبحية بتاخد العقل!

الرقم: 862 267 81

3. Serab Residencia، كاسليك

بيت ضيافة بيتميز بديكور متوسطي وألوان ترابية بتريح النفسية. ترويقتكن مميزة ع التراس الخاص فيكن، وقعدة الجاكوزي مع مشروب ناطرتكن هالموسم!

الرقم: 591 322 70

4.Tranquil ῆomad Boutique، كفرعبيدا

هالمكان رح يحسسكن إنكن سافرتوا! بين الأجواء الحلوة والقعدة الإستوائية، رح تلاقوا عطلة العمر.

للحجز، تواصلوا معن هون. 

5. دار الزيتون، الكفور النبطية

بيت الأنتيكا والتراث الجديد بقلب بستان الزيتون. هالبيت مطلّ ع وادي الكفور، كمان عندن مطعم تراثي وقعدات بتاخد العقل. عيشوا الجو الملوكي بين التفاصيل العثمانية القديمة والخدمة الممتازة!

الرقم: 163 763 76

6.  أماني، غوما البترون

بيت ضيافة أثري بكل معنى الكلمة بحسسّكن كأنكن بمعبد روماني. من الحجر القديم، للقناطر العالية، للزوايا الرائعة الجمال. أماني هو جوهرة مخفية بتحقق أمنيتكن بعطلة خيالية بالبترون. عندن جنينة بتاخد العقل ما بتملّوا منها!

للحجز، اكبسوا هون.

7.  سكون، حراجل فاريا

إذا عبالكن تقضوا وقت خاص مع الشريك، أو تروحوا جولة مميزة بجبال فاريا، هالبيت كتير رح تنغرموا فيه. والتراس عندو إطلالة بتعقد أد ما حلوة!

الرقم: 222 007 70

8. Maison Turk، فتوح كسروان

الويك-اند مع العيلة صارت أحلى بقلب هالبيت الضيافة. عدا عن الجنينات الواسعة والديكور الرايق، كتير رح تحبوا التراس المطل ع وديان وجبال!

الرقم: 152 003 70

9. Calma Honey، فتاحات البترون

إذا عم تفتشوا ع قعدة مخفية وسط الطبيعة، لازم تجربوا هالبيت الحلو! عندو قعدة صخر جبلية، جاكوزي، تراسات بتاخد العقل، قعدات معلّقة بالهوا، يعني بيت الضيافة المثالي بالبترون لعطلة مع أصحابكن بعيد عن العجقة. ومش بس هيك، كمان قريب ع السوق العتيق!

الرقم: 779 972 70

10. Black A، البابلية الجنوب

لأنو دخلنا ع موسم الطقس الحلو والقعدات تحت الشمس، هالبيت الضيافة بالجنوب عندو جو إستوائي كتير رح تحبّوا. رح يفتح قريباً بنص أيار، ومثالي للعيل يلي عبالها جو مسبح ومشاوي وغدا بالجنينة!

الرقم: 462 224 81

أي بيت ضيافة من هيدي بيوت ضيافة مخفية رح تختاروا لعطلتكن؟ شوفوا كمان، ٧ بيوت ضيافة لتعيشوا أجواء الربيع بالبترون