أخيراً! باصات النقل المشترك وصلت عالبقاع!

ابتداءً من يوم التلاتا 22 نيسان 2025، رح يبلش يشتغل خط سير جديد ل باصات النقل المشترك، بيوصل منطقة البقاع مباشرةً ع بيروت. هالمسار الجديد بينطلق من شتورا بالبقاع لـ الكولا ببيروت، وبيوفّر وسيلة نقل عام ضرورية للناس اللي بتتنقل بين هالمناطق الأساسية.

شو لازم تعرفوا عن خط النقل المشترك الجديد بين البقاع وبيروت

هيدا التوسّع بيجي ضمن جهود لبنان المستمرة لتحسين شبكة النقل العام، بعد ما تم إطلاق عدة خطوط باص ناجحة ببيروت وضواحيها من تموز 2024. خط البقاع الجديد رح يقدّم وسيلة نقل موثوقة، مريحة، وبسعر مقبول للركّاب اللي بيتنقّلوا بين سهل البقاع والعاصمة.

🚐 خط السير: شتورا (البقاع) – بيروت – الكولا

🗓 تاريخ البدء: التلاتا 22 نيسان 2025

🕕 الدوام: كل يوم من الـ6 الصبح لـ7 المسا

⏱ كل قديه؟ كل 20–25 دقيقة تقريباً (حسب عجقة السير)

💰 التكلفة:

من بيروت لـ بحمدون: 100,000 ل.ل

من بيروت لـ شتورا أو عاليه لـ شتورا: 200,000 ل.ل

كيف تستعملوا باص النقل المشترك بلبنان

إذا كنت جديد على باصات النقل المشترك بلبنان، هيدي دليل بسيط لتبلش:

🎟️ بطاقة لمرة وحدة:
بمجرد ما تطلع على الباص فيك تشتري هالبطاقة و تدفع للسواق كاش. بيعطيك كود QR لتعملو مسح.

💳 البطاقة القابلة للشحن:
للركاب يلي بيتنقّلوا كتير، في بطاقة باص قابلة للشحن بـ250,000 ل.ل، وبتجي مع سفرة وحدة مجانية. فيكن تعبّوها بمراكز محددة، شوفوهن هون.

 🚌 الخطوط:
إضافة لخط البقاع، في خطوط تانية شغّالة جوّا بيروت، وبتمرّ بمناطق متل الدورة، الحمرا، أنطلياس وغيرها.

ليه هالتوسع مهم

خط البقاع – بيروت الجديد هو تغيير نوعي للناس اللي بتتنقّل يومياً، من طلاب، موظفين، أو أي حدا رايح جاي بين بيروت وسهل البقاع. هالباص بيوفّر بديل أرخص من السيارات الخاصة والتكاسي، بيساعد يخفّف من زحمة السير، وبيصبّ ضمن هدف لبنان الأوسع ببناء نظام نقل عام أكتر استدامة.

خليكن ع السمع لمستجدات نظام النقل المشترك ونصائح عن كيفية التنقل بشبكة الباصات اللي عم تتطور بلبنان! تأكدوا إنكن تتابعوهن على إنستغرام للمزيد من التفاصيل.

شوفوا كمان، كل شي لازم تعرفوا عن باصات النقل المشترك بلبنان: الخطوط، التكلفة، الدوام!