مطعم جديد عم يقدّم نفس ستايل Swiss Butter – بتجربوا؟

إذا كنتوا من الناس اللي بتحب تكتشف مطاعم جديدة وبتدوروا على نكهات بتحبوها وأكتر، لازم تجربوا مطعم Honey Mustard بجل الديب. هالمطعم فتح جديد بلبنان وعم يلفت الأنظار!

أوّل ما تشوفوا بعض الأطباق، دغري بتتذكّروا Swiss Butter، خاصةً طبق الستيك بصوص المشروم الكريمي والغني. بس شو الفرق؟ المنيو عند Honey Mustard أوسع، وفيه تنوّع بيخلّي كل حدا يلاقي شي على ذوقو. الأجواء بالمطعم حلوة ومريحة، وعندن فرعين بجل الديب والبياضة.

فيكن تبلشوا بالستيك سواءً كان طبق أنتريكوت بصوص المشروم أو حتى بصوص الترافل الغني والفخم، أو ع شكل ساندويش مع نفس الصوص. بس نحنا مننصحكن تدوقوا البرغر بلحمة مع صوص المشروم، من أكتر الأكلات المحبوبة عندن.

ولأنو اسمو للمطعم هيك، ما فيكن ما تجربوا طبق الدجاج المغمّس بصوص الهوني ماسترد المحبوب! كل طبق بيتقدّم مع بطاطا مقرمشة وسلطة فريش، والمنيو بيجمع بين الستيك، السالمون، الدجاج، البرغر، القريدس، وغيرو.

وما مننسى العروض القوية! كل اتنين وتلاتا، فيكن تستمتعوا بعرض برغر وبطاطا مفتوح بـ20$، أو Open ستيك وبطاطا بـ25$. فرصة مميزة لتدوقوا أكلة بتشهي وبنفس الوقت توفروا!

وإذا كنتوا من محبّين السلطة، رح تحبّوا فكرة “Make Your Own Salad” – بتختاروا من تشكيلات واسعة من الخضرة، الإضافات، والصوصات لتعملوا صحن سلطة على ذوقكن بالكامل. أما للتحلاية، فـ Pain Perdu وHoney Cake هني الاختيار المثالي لتختموا فيهن!

فإذا بعد ما زرتوا Honey Mustard، صار الوقت تروحوا وتكتشفوا نكهات هالمحل. ما تنسوا تخبروا  رفقاتكن يلي عبالكن تروحوا معن، وتابعوهن ع حسابن هون! 🥩🐟🍗

للتواصل: جل الديب 060 843 81 – البياضة 839 885 78

شوفوا كمان، من بعد العبدالله، إجا الحيالا: هالمحل عامل ضجة واسعة!