٧ بيوت ضيافة لتعيشوا أجواء الربيع بالبترون

صار وقت نعيش جو الربيع الملوّن بجولة على أحلى بيوت ضيافة بقلب البترون! جمعنالكن هون كمّ بيت من أزهى وأجمل الأماكن اللي لقيناها، كلّها طاقة وفرح.

1. LOONS، كفرعبيدا

من أحلى وأهضم بيوت الضيافة، LOONS رح يفرفح قلبكن! ديكورو الملوّن والجو اللطيف بيخلّو المكان المثالي لترتاح وتنبسط ع منظر بحر البترون الساحر.

📞 للتواصل: 096 107 76

2. Martinos Getaway، دير كفيفان

بإطلالة ساحرة ع البحر، ترّاس مريح بين الجنينات ، وجاكوزي بيفرفح القلب، Martinos Getaway بيجمّعلك كل أجواء ميكونوس بمكان واحد!

📞 للتواصل: 985 933 70

3. Le Racif، قريب من شط البحصة

بألوانه الصفرا والخضرا اللي بيعطوا هيك لمسة ربيعية، Le Racif هو الخيار المثالي لمهرب رايق بهالوقت من السنة. عندو جو لطيف ومفعم بالحياة بيخلي الضهرة قبل الصيف أحلى وأهدا.

📞 للتواصل: 390 904 03

4. Biyada، جرانة

Biyada هي مجموعة من بيوت ضيافة ملوّنة بقلب البترون، وكل وحدة مستوحاة من أيقونات نسويّة ملهمين متل الشاعرة الفلسطينيّة-اللبنانيّة مي زيادة، الرسّامة المكسيكيّة فريدا كاهلو، والناشطة الليبيّة حنان البرعصي وغيرن. إذا عبالك قعدة بيت بالشجرة مع لمسة جريئة وملهمة، هيدا هو المكان المناسب إلك!

📞 للتواصل: 341 597 03

5. Éole، تحوم

Éole هو بيتك التاني، بيجمع بين اللمسة العصرية والسحر المتوسّطي بنعومة. راحة، رواق، وجوّ بيشبه الحلم… كل شي هون بيخلّيك تحس إنك بمكان بعيد عن العالم. هيدا عدا ع قعدة البلكون الخيالية من فوق الوادي والمطلة ع الساحل.

📞 للتواصل: 959 690 76

6. L A C O Q U I L L E، كفرعبيدا

هالمطرح بيعطيك طاقة حلوة أول ما تفوت، مع الديكور الغريب والألوان الزاهية والجو التراثي البتروني. عندو قعدة ع البحر بتاخد العقل، وأجمل طريقة لتستقبلوا الربيع بلبنان.

📞 للتواصل: 096 107 76

حبيتوا جولتنا على أحلى بيوت ضيافة بقلب البترون؟

شوفوا كمان، ٧ معاصر نبيد خرج موعد غرامي بلبنان!