سفرة ع النهر بين الشجر وطواحين المي؟ جربوا هالمطعم!

إذا بدّك تهرب من العجقة، وتعيش لحظات هدا بقلب الطبيعة، ما في أجمل من مشوار ع مطعم بيت الشيخة بزغرتا، شمال لبنان. لعشّاق الأكل اللبناني الأصيل ومحبي القعدات التراثية بالطبيعة، لازم تجربوا هالجوهرة!

من سنة 1961، مطعم بيت الشيخة حافظ ع طابعو التراثي وبيقدم نكهة لبنان، بأجواء أصيلة مش ممكن تنتسى. هالمطعم العريق، موجود بقلب الطبيعة ع ضفاف نهر المرداشية، محاوط بالشجر العالي، وصوت الميّ الصافية، والطواحين القديمة يلي بتاخذك بالذاكرة ع أيام الضيعة الحلوة. الترّاس تبعن بيطلّ ع هالمشهد الروعة، والقعدة فيه عنجد ولا أطيب، خاصةً مع فنجان القهوة أو كباية شاي!

أجمل شي هو الترّاس الواسع بالهوا الطلق، يلي بيطلّ ع النهر والطواحين القديمة، وبيخلق جوّ ولا أطيب لغدا برّا مع العيلة أو الأصحاب.

بيت الشيخة معروف بأطيب سفرة لبنانية، من المقبلات لآخر لقمة. بينقوا مكوناتن من خيرات الأرض، وكل شي بينعمل بإيدان وبمحبة. من أشهر أطباقن أقراص الكبّة الزغرتاوية يلي بيشتهر فيها أهل الشمال، والكبّة النيّة الطازة المدقوقة ع الصخر، والعرق البلدي يلي بيبورد القلب. غير هيك، بتلاقوا عندن فتوش، تبولة، ورق عنب، مشاوي، رقاقات، حمص، بطاطا حرّة، ومازة مغنّجة من كل الأنواع. السفرة بتشبع نظركن قبل بطنكن!

والمطعم عائلي بامتياز. فيك تاخد عيلتك وتقعدوا سوا بجوّ رايق وممتع. الولاد بينبسطوا بالطبيعة أو بقلب الملعب، والجوّ كتير مريح، بيخلي الكل يحسّ حالو ببيتو.

بيت الشيخة هو أكتر من مطعم، هو تجربة من القلب… فيها أكل طيب، ناس طيبة، وطبيعة بتخلي كل زيارة ذكرى حلوة. 🌿🌸🌳

فيكن تابعوا حسابن ع انستغرام هون. 

📍العنوان: زغرتا – نهر المرداشية

📞 الرقم: 023 660 06 – 380 712 70 

شوفوا كمان، ٧ معاصر نبيد خرج موعد غرامي بلبنان!