٧ معاصر نبيد خرج موعد غرامي بلبنان!

شو في أحلى من يوم رومانسي بتقضوا مع الحبيب أو شخص عم تتعرفوا عليه جديد بقلب طبيعة لبنان الخلابة؟ لبنان، هالبلد الساحر، مخبى في معاصر نبيد بتخطف الأنفاس و بتحول اللحظات الحلوة لذكريات ما بتنتسى! تعو نكتشف سوا ٧ جواهر محلية، معاصر نبيد خرج تروحوا عليهن مع الحبيب ع موعد غرامي لطيف!

1. St. Micheal Winery، معاصر الشوف

بمكان زغير بضيعة بالشوف، الجو دافي وأصحاب المعصرة بيستقبلوكن وبيهتموا فيكن. المعصرة مش بس مكان بيعملوا في نبيد، هي تجربة بحد ذاتها. فيكن تدوقوا النبيد، تشتروا منتجات محلية، أو حتى تقعدوا على عشا أو غدا رومانسي بالأجواء التقليدية يلي بتخلي الزيارة مميزة. أكيد رح تقضوا يوم استثنائي مع الحبيب.

الرقم: 019 711 81

2. Atibaia Winery، سمار جبيل

بيت عتيق من القرن السابع عشر مطل على البحر، عندن نبيد أحمر مميز بطعتمو يلي ما بتنتسى. والأحلى إنكن تشربوا بالموقع السحري وتحسوا كأنكن عايشين قصة من الأحلام. خدو الحبيب إيد بإيد وروحوا خلقوا ذكريات سوا هون.

الرقم: 888 328 03

3. Château Oumsiyat، المتين

بهالزاوية بين جبلين، المعصرة فيها كروم عنب وعم بحضروا نبيد بطعمة بتمزج بين القديم والجديد. هون، النبيد مش مجرد مشروب، هوي فن. استغلو الطقس الربيعي الحلو لأن بعد ما في كتير شوب وعيشوا لحظات رومانسية مع الحبيب بهالجوهرة.

الرقم: 411 101 03

4. Château Sainte Andrée، غبالة

بزاوية زغيرة مخباية بالجبل، هالمعصرة بتجمع بين بيت ضيافة، نبيد، وأطباق لذيذة بأجواء جبلية قريبة من القلب. يوم مع الحبيب هون رح يكون مليان دفا وبساطة وذكريات.

الرقم: 267 700 03

5. Château Cana، بحمدون

هالمكان بيقدم أكتر من تجربة النبيد، عندو بيت ضيافة، وكمان مكان ساحر للمناسبات، وتجربة بتخليكن تحسوا كأنكن ببلد الأحلام. مكان مثالي ليوم مليان رومانسية مع الحبيب مع أكل طيب وشوية مشروب.

الرقم: 043 340 81

6. Ardoum Winery، المتين

هيدي مش بس معصرة نبيد، بس مكان مليان جمال طبيعي. فيكن تستمتعوا بالغدا بين الجبال والطبيعة الخضرا، أو حتى تفاجئو الحبيب بليلة ما بتنتسى بالغرف الدافية.

الرقم: 646 441 70

7. Château Qanafar، خربة قنفار

عبالكن نهار أحد مميز مع شخص عزيز ع قلبكن؟ هالمعصرة هي المحل المثالي لأن بعيدة عن بيروت وعن كل المطاعم يلي معودين تزوروها. جولة بالمعصرة، تذوق نبيد، وغدا لذيذ على تلة مطلة على مناظر بتسحر القلب. خذوا وقتكن واستمتعوا بنهار مميز بعيد عن الهموم.

الرقم: 782 398 01

شوفوا كمان، ٩ بيوت ضيافة ومنتجعات بقلب الطبيعة بلبنان.