سينما جديدة جاية على كاسكادا مول بالبقاع!

خبر بيفرّح القلب لأهل البقاع! وأخيرًا، صار فيكن تحضروا أجدد الأفلام بالسينما من دون ما تنزلوا ع بيروت أو المناطق البعيدة! كاسكادا مول، الموجود بمنطقة تعنايل، عم يتحضّر ليستقبل سينما مميزة بالمنطقة، وعم يوعدنا بتجربة ما بتنتسى لعشّاق الشاشة الكبيرة. من الأفلام الجديدة، للصوت والصورة اللي بيخطفوا الأنفاس، للسهرات والأوقات الحلوة مع الأصحاب والعيلة… كلّه رح يكون قريبًا كتير بين إيديكن!

السينما بعد ما فتحت رسميًا، بس الحماس بلّش يعبّي الجو، خصوصًا بعد ما أعلن كاسكادا مول عنها على الإنستغرام مع كابشن:
“استعدوا لأفضل تجربة سينمائية! قريبًا في كاسكادا مول – سينما جديدة لأروع ليالي الأفلام!”

ولما تفتح قريباً، رح بتكون تاني سينما بالمنطقة من بعد Stargate Cinema بزحلة! من قبل، Empire Cinema كمان كانت فاتحة بكاسكادا مول وللأسف سكرت، بس بعد مش معروف إذا هي يلي ذاتها راجعة أو سينما جديدة. 

بس غير السينما، كاسكادا مول بيجمع كل شي بمكان واحد: تسوّق، مطاعم، كافيهات، وأجواء ولا أروع.

فإذا كنتوا من سكان البقاع، حضّروا حالكن لليالي أفلام ولا أحلى! تابعوهن هون لتفاصيل الافتتاح الكبير! للتواصل على الرقم: 217 244 81

وأنتو؟ شو أول فيلم رح تحضروه بتاني سينما بالبقاع؟ 🎬🍿🎥✨

حبيتوا مقالنا عن سينما جديدة جاية ع البقاع؟ شوفوا كمان مقالنا هون: مكتبة أنطوان فتحت كافيه ببيروت! شوفوا التفاصيل