ملكة الجمال الطبيعي 2025: كلّ الأضواء ع الجمال الطبيعي هالسنة!

من قلب بيروت انطلقت مسابقة جديدة عم تغيّر مفهوم مسابقات الجمال بلبنان: Miss Natural Beauty. فكرة المسابقة، اللي ما بتشبه ولا مسابقة تانية، عم تعطي المشتركات فرصة يوقفوا عالمسرح بوجن الحقيقي من دون مكياج ولا أي تعديل تجميلي. كل بنت عم تعبر عن حالها متل ما هي، والجمال عم يكون محور هالحدث.

مسابقة ملكة الجمال الطبيعي بلبنان من ابتكار الإعلامي زكريا فحام. هدف المسابقة إنو يبرز جمال المشتركات بوجن الحقيقي، بدون مكياج أو أي تعديل تجميلي.

الموسم الأول للمسابقة صار سنة 2024، وشارك في أكتر من ٩٠ بنت. لجنة الحكم اختارت 16 صبية للنهائيات، ومن بيناتن حصلت جيسيكا قيس على لقب ملكة جمال الطبيعي الأولى. هالحدث وقتها خلا الناس يحكوا عن هالفكرة اللي كسرت كل القواعد الجمالية يلي معودين عليها بمسابقات ملكات الجمال.

مبارح انطلق الموسم التاني من المسابقة بفندق الهيلتون حبتور ببيروت. السنة وصلت 20 متشاركة للحفل النهائي. وقفوا المشتركات عالمسرح بكل عفويتن، بوجوهن الطبيعية من دون ماكياج وبوجن الطبيعي وأثبتوا إنو الجمال أحلى بس يكون طبيعي وبعيد عن التصنع.

بالنهاية، جوي طوق نالت لقب ملكة جمال الطبيعي لسنة 2025. الحفل كان تقديم وجيه صقر وميرا عبد الخالق، وإحياء النجم أيمن أمين، إيوان وعازفة الكمان جويل سعادة.

لجنة Miss Natural Beauty ضمت اختصاصيين، منن الإعلامي زكريا فحام، مصممة الأزياء جويل نمنم، سيدة الأعمال رنا حسن، الممثل والمقدم جوزيف حويك، أخصائية التغذية جنين عواد، خبيرة البشرة دوكتور أليسيا، وخبيرة التجميل أماني نصرالدين. هالمسابقة، اللي هي الأولى من نوعها بلبنان، أعطت للمشتركات فرصة يعبروا عن حالن بجمالن الطبيعي وبثقتن بنفسن، بعيد عن التعديلات والفلتر. الجمال الحقيقي كان الموضوع الأساسي بهالحفل اللي ما بيشبه غيرو.

شو رأيكن بهالفكرة؟

شوفوا كمان، سياسيين تجوّزوا ملكات جمال ومذيعات: قصص حب على الطريقة اللبنانية!