انسوا مطعم Five Guys، بلبنان صار عنا Four Guys!

إذا كنّت حابب تجرّب Five Guys، هيدا يمكن أقرب شي عنّا بلبنان لسلسلة المطاعم الأميركية المشهورة ! FOUR GUYS فتح بلبنان وهلّق صار فيك تعيش التجربة الأميركية ذاتها، من الديكور لتجربة الفستق!

مطعم البرغر الجديد شفناه على اوتستراد البترون-جبيل، قريب من فرع لاتيه آرت بعمشيت. فيكن تشوفوا الموقع بالزبط من هون.

أي حدا راح على Five Guys – أو حتى بس فتّش عليه عالنت – رح يلاحظ الشبه دغري. من اللوغو والألوان الحمرا والبيضا، للمنيو (إيه، حتى أسامي الأصناف نفسها). الفرق الوحيد؟ FOUR GUYS أرخص بشوي من الأصلي!

بعد ما جرّبنا النسخة اللبنانية من Five Guys، فبعدنا ما فينا نحكم عالطعم. رح نشارككن رأينا أول ما نجرّبه!

مع أكتر من 1800 فرع حول العالم، وبيناتن بالشرق الأوسط، فايف غايز صارت معروفة عالميًّا بمكوّناتها الطازة، البرغر اللي بينعمل عالطلب، والإضافات اللي ما بتخلص!

بس، ورغم شهرتها الكبيرة، بعد ما فتح فرع رسمي ل فايف غايز بلبنان – ويمكن هيدا بيفسّر ليش فور غايز موجود اليوم. يمكن مش الأصلي، بس عم يعبّي الفراغ لعشّاق تجربة Five Guys المعروفة… حتى لو ناقصه شب من الخمسة!

ما تنسوا تابعوا صفحتن ع إنستغرام! وللمزيد من هيك محتوى، تفقدوا قسم #شو_جديد على موقعنا!

عجبكن هيدا المقال؟ و شو رأيكن لما يكون فيه نسخة لبنانية من مطاعم عالمية؟ شوفوا كمان، مكتبة أنطوان فتحت كافيه ببيروت! شوفوا التفاصيل