١٠ مطاعم ولا أطيب بإطلالة ساحرة على الجبل!

شو في أحلى من نهار بتقضوا بالجبل؟ الهوا البارد، المنظر يلي ما بينشبع منو، ولقمة طيبة بتكمل المشوار. ومن ورا كل طلعة ع الجبل، في عطول مطعم مرافق مشوارنا.

وشو في أطيب من قعدة رواق مع أكل بيشهي ومنظر على جبال لبنان يلي بترد الروح؟ جبنالكن اليوم ١٠ مطاعم كل واحد أحلى من التاني، بإطلالة جبلية ساحرة على الجبل رح تخلي قعدتكن من أجمل ما يكون!

١. لوس، جزين

تخايلوا حالكن بمنطقة جنوبية ساحرة، قاعدين بمطعم بيطل على غابات صنوبر على مد عينكن والنظر، وعم تتلذذوا بأشهى الأطباق اللبنانية الأصيلة. الهوا نضيف، والمنظر بيخطف الأنفاس، يعني قعدة بترد الروح!

الرقم: 330 780 07

٢. أبو جوزيف، وادي قنوبين

بقلب وادي قنوبين المحاط بالطبيعة الخلابة، في مطعم بيقدملكن أكل لبناني بيتوتي على أصولو مع فيو على الوادي الساحر بيخليكن تنسوا همومكن. الهدوء والجمال هون مع اللقمة الطيبة ما بتلاقوا متلن بمحل تاني!

الرقم: 278 147 03

٣. جنة الشعرا، حراجل

بمنطقة جبلية بتشتهر بجمالها، في مطعم بيقدملكن أكل لبناني طيب وقعدة بتطل على مناظر طبيعية ساحرة. الجو رايق، والهوا نضيف، يعني مكان مثالي لترتاحوا وتستمتعوا بكل لقمة!

الرقم: 650 119 79

٤. نارة ونور، الدوار

لما تحبوا تقعدوا بين المدينة والجبل وتاكلوا أكلة لبنانية أصيلة، نارة ونور هوي الخيار الأمثل! عندو أجواء جبلية وجلسة جنب شجر الصنوبر، القعدة عندو بتشبه قعدة بقلب بيت ضيعة عتيق.

الرقم: 794 877 71

٥. شي شاكر، فقرا

مين ما بحب قعدة مكنكنة وفيو ساحر؟ بمنطقة فقرا المعروفة بجمال طبيعتها، في مطعم بيقدملكن أكل لبناني بيتوتي مع إطلالة على الجبال اللي بتسرق القلب. الجو جبلي والمنظر بيخليكن تحسوا براحة بال! حتى عندن كراسي الخشب تبع بيت التيتا.

الرقم: 800 341 29

٦. باب الهوا، إهدن

بقلب إهدن الساحرة، في مطعم بيقدملكن أطيب مازة وكبة شمالية مع فيو على الجبال والوديان يلي ما بتخلص. الأكل في طعم خاص لأن محضر من ديات أهالي الشمال لي معروفين بالكرم والنفس الطيب والمنظر بيخلي القعدة بعد أحلى وأحلى!

الرقم: 047 456 03

٧. On Top، زكريت

هيدا المطعم بتحسوا قاعد على راس الجبل، بطل على مناظر طبيعية خلابة، بيقدملكن أكل لبناني وعالمي مع فيو خرافي. الهوا منعش والمنظر بيخليكن تحسوا إنكن فوق الغيوم!

الرقم: 344 484 81

٨. مطل الوديان، حرار

عكار معروفي بجمال طبيعتها لي بعد ما طالتها إيد الإنسان متل ببيروت، ومن بين كل المناظر الحلوة في محل مميز. في مطعم بيطل على وديان خضرا بتريح النظر، بيقدملكن أكل لبناني أصيل بجو مليان سكينة وجمال. القعدة هون بتخليكن تنسوا بيروت وعجقتها!

الرقم: 487 713 03

٩. زهرطوني، القبيات

بقلب ضيعة القبيات الشمالية، في مطعم بيقدملكن أكل طلياني على أصولو مع إطلالة على جبال المنطقة الخضرا. الأكل على فكرة معمول من ديات الشيف طوني بخبرة ودقة والمنظر بيخليكن تحسوا بجمال الشمال وشوية رومانسية كمان!

الرقم: 844 469 81

١٠. بيت صافي، جبل صافي

معقول نحكي عن مناظر جبلية ساحرة وما نذكر أجمل منظر ممكن تشوفوا منو مغيب الشمس؟ بقمة جبل صافي بيتميز هيدا المطعم بإطلالتو البانورامية وبقدملكن أكل لبناني بيتوتي دافي مع فيو بيخليكن تشوفوا الجمال كلو قدامكن.

الرقم: 218 075 76

عجبكن هيدا المقال عن مطاعم بإطلالة ساحرة على الجبل؟ شوفوا كمان، ٤ مطاعم بقلب الغابة: قعدة على البركة ونسمة هوا