١٩ عبارة بتلخبط اللسان بالعربي، فيكن تقولوهن؟

الجمل والعبارات اللي بتلبك أو بتلخبط اللسان بالعربي مش بس ممتعة، بس كمان بتساعد على تحسين النطق ومرونة اللسان. هيدي العبارات اسمها التنافر أو لاويات اللسان أو tongue twisters ومن خلال التكرار، بتساعدكن تتعلموا كلمات جديدة بوقت كتير قصير. كنا نقولن نحنا وصغار ونتحدى بعض كل الوقت. خلينا نجرب مع بعض هيدول التحديات اللغوية وخبرونا إذا قدرتوا تقولوهن صح!

1.

…ليرة ورا ليرة ورا ليرة ورا ليرة

2.

خيط حرير على حيط خليل

3.

مشمشنا مش مشمشكم ومشمشكم مش مشمشنا، لما مشمش مشمشكم، ما كان مشمش مشمشنا

4.

أرنب أنور نط ب منور أنور

5.

قم يا قمقم قوم تقمقم قم على قفّة قم كل قمح

6.

روحي وروحك يا روحي روحين مطرح ما تروح روحك روحي ب روح

7.

حسام حاسب حساب حسن

8.

شرف فرش شرشف شريف و شريف يشرف على شرف

9.

خشبة الحبس حسبت خمس خشبات وخشبة

10.

خميس الخباز خبز خمس خبزات

11.

طبخنا طبختنا بمطبخكن، طبخنا بمطبخكن طبختنا

12.

بطتنا لازم تبط بطن بطتكن لإن بطتكن بطت بطن بطتنا

13.

القصمان لبسوا قمصان وأكلوا قرصان

14.

لحم الحمام حلال ولحم الحمار حرام

15.

جو جدو زي جو جيزان، أم جو جدو غير جو جيزان

16.

كلت قفص بصل ومصيت قفص قصب

17.

جدار دار طين دارنا أكبر من جدار دار طين جارنا

18.

قميص نفيسه نشف ولا ما نشفش؟

19.

مفتاحي مع مفتاح عبد الفتاح ومفتاح عبد الفتاح مع مفتاحي ومفتاحي فتح ومفتاح عبد الفتاح ما فتح

شو بعد بتعرفوا عبارات أو لاويات اللسان باللغة العربية حابين تشاركوها معنا؟

شوفوا كمان، بلّشت بزيتونة: شابة لبنانية عم تعمل تصاميم مستوحاة من الزيتون