بابل فوتبول بلبنان: تجربة جديدة وحماسية للعيلة كلها!

في شي أحلى من إنو نلاقي نشاطات جديدة بلبنان بتغير الجو وبتسلي؟ خاصة إذا كانت بتجمع بين الرياضة، الضحك والأكل!

زهقانين كتير وعبالكن تجربة رياضية بتسلي وغريبة وجديدة بنفس الوقت؟ جربوا بابل فوتبول عند Kickoff Stadium بمنطقة مجدليا بعاليه! رياضة مليانة تسلية وضحك، مناسبة للكبار والصغار، للعيل والأصحاب وحتى الغروبات الكبيرة وبتجمع بين التحدي والضحك بأجواء مهضومة.

شو هي لعبة بابل فوتبول؟

هالنشاط المهضوم عندو كتير فوايد وأهمها الضحك. بابل فوتبول هي لعبة كرة قدم بس وإنتو جوات طابة هوائية ضخمة بتغطي جسمكن! ليش؟ لتحميكن من الإصابة إنتو وعم تلعبوا لتضحكوا وتوقعوا براحتكن وكمان لما تأذوا غيركن! إذا بعد ما جربتوا هيدي الرياضة، أكيد لازم تعيشوا هيدي المغامرة لأنها عنجد أهضم نوع رياضة. باختصار، هي لعبة رياضية، بس مليانة ضحك وأجواء مرحة، وما في خوف من الإصابات أو التعب!

وين فيكن تلعبوها؟

بقلب Kickoff Stadium بمنطقة مجدليا بعاليه، محل مجهز بهاللعبة المهضومة يلي ما بتشبه شي جربتوا بحياتكن. بتنزلوا عالملعب، بتلبسوا البابل، وبتبلش اللعبة! عادي، أول خمس دقايق بتكونوا عم تفكروا كيف تضلوا واقفين، بعدين بتبلشو تفكروا كيف فيكن تدفشوا غيركن توقعوا قبل ما يوقعكن وهيك ببلش الضحك!

قديه بكلف هيدا المشروع؟

ب 10$ قادرين تعملوا أجمل نشاط بحياتكن وتعيشوا أجواء غير شكل ولطلاب المدارس في سعر خاص. وأكيد هيدا أجمل مشروع ممكن يكون للعيلة كلها. بتتحمسوا وبتطلعوا بذكريات حلوة.

هلق غير هيك، هيدا المحل مش بس فيكن تلعبوا في بابل فوتبول، عندن كمان صالة مخصصة لألعاب البلاي ستيشن وغيرها من النشاطات المميزة للولاد. وكمان بتلاقوا بقلب Kickoff Stadium كافيه خاص بتقعدوا في مع أصحابكن بعد ما تخلصوا لعب وبتتفرجوا على منظر الجبل الخرافي! يعني، مشواركن كامل مكمل!

العنوان: مجدليا، عاليه
الرقم:335 754 76

شوفوا كمان، بقلب جبيل… محل بياخدكن 100 مليون سنة لورا!