أهضم كافيه بالنبطية رجع فتح بعد الحرب!

من بعد الصعوبات يلي مرقت ع جنوبنا، Coffeeholic رجع فتح أبوابو من جديد بقلب النبطية، وجاب معو الفرح والأمل ع المدينة!  هالكافيه اللطيف معروف بالديكور الأصفر الزاهي وأجواء يلي بتعكس طاقة إيجابية ودفا، غير القهوة الطيبة و الحلويات يلي بيقدّموها بكل حب.

من أول ما تفوتوا، رح تحسّوا بالفرح! زوايا ملونة، التفاصيل الحلوة، والجو المريح بيخلّوكن تحسوا كأنكن بمكان بعيد عن كل الهموم. سواءً جايين تاخدوا قهوتكن الصباحية ع السريع، أو بدكن تقعدوا مع أصحابكن وتنبسطوا بجلسة هادية، Coffeeholic هو المكان يلي رح يعطيكن هالشعور الدافي.

بيقدّموا قهوة ولا أطيب، من الإسبريسو القوي للكابتشينو الكريمي، وكمان عندن تشكيلات مميزة لعشّاق القهوة، وما مننسى الماتشا يلي صارت مفضّلة عند كتار! إذا كنتوا من محبّين المشروبات المنعشة، جرّبوا الـ Milkshakes أو سموثي الغني بالنكهات.

الحلويات يلي بيعملوها كلها شغل إيد وبالبيت. عندن Lazy Cake لعشّاق الشوكولا، براونيز طريين وبيعقدوا، وتشيز كيك بكل النكهات يلي بتحبوها. وكمان إذا عبالكن شي خفيف مع قهوتكن، عندن Cookies مميزين!

رجعة Coffeeholic مش بس رجعة لمحل قهوة محبوب، بس رمز لصمود المنطقة وإعادة الحياة فيها. بزيارة وحدة، كل شخص عم يدعم هالمكان يلي صار جزء من النبطية وأهلها. بتلاقوا بشارع الصباح، جنب Venus & Gold gym، بيفتح من الساعة 7 الصبح للساعة 12 نص الليل. وهيدا رقمن: 849 660 81.

إذا بدكن تشوفوا الجو عن قرب، تابعوهن على إنستغرام @coffeeholic.nab. فوتوا اطلبوا فنجان، جرّبوا شي حلو، وخلوا هالزاوية الحلوة ترجع تزرع فيكن الابتسامة! 💛☕🍰

شوفوا كمان، كافيه أول من نوعه بالنبطية، ولعشاق القطط بس!