سكتوا جوعكن بأطول سندويش بلبنان!

جوعانين وما عارفين شو تاكلوا؟ عندكن شغلة وحدة تعملوها… جربوا أطول سندويش بلبنان عند Hungry Shack!

مش مزحة، السندويش طولها 60 سم، وإذا ما كنتو ميتين من الجوع، مستحيل تخلصوها لحالكن.

وإذا فكرتو إنو الحجم هو القصة كلها، فكروا مرتين لأنو شاغلين كمان على الطعمة منيح! فيكن تختاروا يلي بيعجبكن: دجاج ترياكي، ستيك مع فطر، سلمون، كراب…كمان عاملينلكن خيار خص نص إلك: حبش مع حلوم مشوي.

فيكن تطلبوا مع السندويش تشيكن ستريبس، Triangle Fries، أو حتى جاط سلطة إذا عبالكن شي أخف. وإذا كنتو من النوع اللي بحب الدلع، اسألو عن الصوصات يلي بيقدمولكن ياها، لأن عندن كل شي متقن!

وين فيكن تعيشوا هالتجربة؟ عند Hungry Shack بكل فروعو بلبنان: طبرجا، البترون، كفرعكا، جونية، والبياضة.
الرقم: 334 166 79

جربوها وخبرونا إذا رح تقدروا تخلصوها لحالكن.

شوفوا كمان، عبالكن حلو ومعكن سكري أو عاملين رجيم؟ هالمطعم إلكن.