قهوة الأرز:لقمة طيبة وقعدة فوق الغيوم، كأنكن بسويسرا!

إذا عم تدوروا على لقمة طيبة مع منظر بيخطف القلب، مطعم “قهوة الأرز” هوي المكان اللي لازم تروحوا عليه! جنة حقيقية بتطل على وادي قاديشا المقدس والضيع المجاورة، يعني منظر ولا بالأحلام!

الأكل عندن كتير طيب، بيوصل على طاولتكن سخن وطازة، والقعدة بتجنن! كل شي بيعملوا غير شكل، من التبولة والفتوش، للبطاطا الحرة والمشاوي واللقمة ع الصاج. رح تحسوا حالكن بحلم، لأن كل لقمة طيبة بتاكلوها مع هالمنظر رح تخلي قلبكن يدق!

القعدة برا بتطل على الوادي والجبال، شي بياخذ العقل! بتحلا اللقمة بفيات الأرزات مع البرود والنسمة الحلوة.

الفي، البرود، النسمة اللي بتروق الأعصاب… هون كل شي بيروق. حتى الولاد ما بيزهقوا، عندن فسحة حلوة كتير. فيهن يتمشوا أو يركضوا بالطبيعة، وحتى فيهن يقعدوا بالمطعم وياخدو راحتن.

بعد الأكل، خدوا نفس عميق، ارتخوا، وطلبوا فنجان قهوة. حطوا إجرك ع إجر، وتفرجوا ع هالمنظر. تحتكن وادي قنوبين، والهوا الشمالي بياخدكن ع مكان تاني.

بس تغمضوا عيونكن للحظة، بتحسوا حالكن بجبال سويسرا الخلابة. يعني، منظر بيخطف الأنفاس!

العنوان: الأرز
الرقم: 797 448 70

عجبكن هيدا المقال عن قهوة الأرز؟ شوفوا كمان، ٥ ضيع سياحية قريبة ع بيروت، تعرفوا عليها.