مشوار الربيع؟ ١٦ محل لتعملوا نزهة بالطبيعة حول لبنان

إذا كنتوا من عشّاق الطبيعة وبتحبوا تهربوا من عجقة المدينة خاصةً بالربيع، ما في أحلى من بيكنيك بمطرح هادي ومليان خضار. بلبنان، عنا أماكن بتاخد العقل، من غابات خضرة لضفاف الأنهار، لتلال بتطلّ ع مناظر بتسرق القلب. بهالمقال، رح نعرّفكن على 16 مطرح بيجنّنوا لتعملوا نزهة أو picnic ب لبنان، وين فيكن تفرشوا الشرشف، تفتحوا سلّة الأكل، وتنبسطوا بجوّ بيفتح النفس! 

1. مطعم بيوماس، جربتا

عبالكن نزهة بقلب حدايق واسعة؟ مطعم بيوماس عندو أحلى قعدة لنزهة عائلية هيدا عدا عن البوفيهات المميزة بالهوا الطلق. 

الرقم: 532 532 03

2. Rasmaska Gardens، طرابلس

حدايق راس مسقا ناطرتكن ع بساط من الخضار، بيطلع عبالكن تكتشفوها أو تستمتعوا بنزهة مع أحبابكن تحت فيّاتها. 

الرقم: 470 170 79

3. أرصون فيلدج – المتن

عملوا picnic ب لبنان مع عيلتكن أو أصحابكن، خيّموا بالطبيعة، انبسطوا بتجربة شوي بالطبيعة، وتجارب بعد ناطرتكن عند أرصون فيلدج. 

الرقم: 111 228 71

4. Uphill Chouwen، يحشوش

مكان بتقدروا تعملوا فيه بيكنيك من فوق يحشوش كلها!

الرقم: 363 869 81

5. الحوش، البقاع

قعدة ريفية بقلب مزرعة كبيرة وبساتين شاسعة، عملوا بيكنيك مع الغنمات وقدامكن جمال البقاع كلو.

Le Camp .6، دير الحرف

قعدة كتير حلوة لتعملوا حفلة شوي الأحد أو نزهة تحت الصنوبرات!

الرقم: 677 355 76

7. The Pine Yards، مار موسى

مطرح بالهوا الطلق وبين الصنوبر. بيقدموا مساحة لتعملوا نزهة، غدا مشاوي بالطبيعة، وكمان ألعاب حماسية متنوعة للولاد.

الرقم: 629 281 03

8. On the Roots، سرجبال

عبالكن نزهة ع ضفاف النهر؟ هالجوهرة وسط الطبيعة رح تفتح قريباً للموسم!

الرقم: 834 711 71

9. Swings Camp، زرعون

أحلى كامب للولاد بلبنان، في ألعاب حماسية ورياضات بالطبيعة لكل الأعمار. كمان بتلاقوا مساحات لتعملوا بيكنيك وتاكلوا مشاوي بالطبيعة.

الرقم: 648 796 03

10. Pine Park، عاريا

حديقة الصنوبر مهرب حلو بعاليه لتبعدوا عن عجقة المدينة وتعملوا نزهة مع أصحابكن!

11. Riverzen، الشوف

بتلاقوا عندن مساحة خاصة ع ضفاف النهر لتعملوا نزهة وتنبسطوا بجمال الطبيعة!

الرقم: 716 680 71

12. Hillhout Village، الخنشارة 

جنة خضرة زغيرة فيها قعدات تحت الشجر لتعملوا نزهة، تخييم، شوي، لعب، وكل النشاطات الحلوة.

الرقم: 711 757 70

13. Jalset faqra، فقرا

جوهرة مخباية رح تفتح قريباً للموسم، فيكن تستمتعوا عندن بالشوي أو بشي بيكنيك بالطبيعة.

الرقم: 076 920 03

وفي كتير أماكن بالطبيعة ما منخلص إذا منحكي عنها فيكن تعملوا فيها نزهة ببلاش، إن كان غابات أو بحيرات أو شواطئ، متل:

14. شط شكا

15. عيون أرغش، الهرمل

16. غابة العزر، عكار

أي محل رح تجربوا ل picnic ب لبنان؟

شوفوا كمان، أجمل ٤٣ محل لتعيشوا جو الربيع حول لبنان