مهرجان طرابلس لعيد الفطر: أكل، فرح وموسيقى!

عيد الفطر بطرابلس مش متل أي عيد، لأنو Street Festival رجع! هالسنة مهرجان طرابلس أكبر، أحلى، وفي مفاجآت كبيرة. من الجمعة 28 آذار لغاية الخميس 3 نيسان، معرض رشيد كرامي رح يتحول لعالم تاني، عالم مليان موسيقى، أكل، ونشاطات لكل الأعمار. ما في عيد بلا جو حلو، وبهالمهرجان رح تلاقوا كل شي ممكن تتخايلوا! سوق كبير، أكلات بتشهي، موسيقى، وألعاب للولاد. من لحظة ما تفوتوا، رح تحسوا بسحر العيد بكل زاوية.

المهرجان ببلش بنفحات العيد مع الأناشيد الدينية يوم الجمعة، وبعدها بتبلش الحفلات الموسيقية يلي ما بتخلص كل إيام المهرجان. كل ليلة فيها جو مختلف، موسيقى، ورقص على كيفكن! هالسنة المفاجأة غير شكل، الفنان الكبير سعد رمضان رح يكون حاضر بأول يوم عيد الفطر الساعة 9 المسا، لتعيدوا بأجواء ما بتنتسى مع الأهل والأصحاب. جهزوا حالكن لأحلا حفلة!

كيف ما برمتوا، رح تحسوا بالعيد حواليكن. زينة، مصابيح، ألوان بتاخد العقل، وأكيد ريحة الأكل الطيب بكل مكان! إذا جعتوا، فيكن تختاروا بين مطاعم السوق، عصير فريش، بوظة، وأطيب مأكولات الشارع. كيوسكات أكل، مطاعم، عروض فنية، حفلات لايف، معارض، منتجات لبنانية، ومونة من مشاريع محلية، كل شي موجود وناطركن لتعيشوا العيد بأحلى طريقة.

الدخولية

الكبار: 000 300 ل. ل.
الزغار(تحت 10 سنين): 000 200 ل.ل.

ليلة سعد رمضان
الكبار: 000 500 ل. ل.
الزغار(تحت 10 سنين): 000 200 ل.ل.

للمزيد من المعلومات اتصلوا على 420 004 81

العيد بطرابلس هالسنة ولا أروع، فحضروا حالكن لجو بيشبهكن وعيدوا مع الناس اللي بتحبوهن!

شوفوا كمان، ٤١ نكتة لبنانية ولا أبيخ من هيك.