كزدورة معنا على الأماكن يلي تصور فيها مسلسل بالدم!

إذا كنتوا من محبين مسلسل “بالدم” وعم تترقبوا متلنا الأحداث الجايي، صار فيكن تزوروا المكان اللي كلنا عم نتعلق في، المكان لي تصور في المسلسل… البترون، المدينة اللي بتجمع كل شي حلو بلبنان، كانت الموقع الرئيسي لتصوير هالمسلسل. هيدا المكان لي بيجمع بين الجمال والتاريخ، والأجواء اللبنانية الأصيلة.

_{Credits: aawsat}

إذا عبالكن تزوروا الأماكن اللي شفتوها بالمسلسل، فيكن تعملوا جولة بشوارع البترون العتيقة. تمشوا صوب المينا، رح تلاقوا بيت جانيت وروميو وبيت فدوى إمن لطارق و ولاويلو، والبيوت الحلوة اللي تصور فيها المسلسل. البترون معروفة بطابعها اللبناني التقليدي، بيوت القرميد، الدكاكين، الحارات الضيقة، وإطلالتها على البحر. هالشي خلا فريق عمل “بالدم” يختاروها لتصوير المسلسل.

من أول لحظة، المسلسل ما كان بس عن الشخصيات، كان عن المكان كمان. البترون، بكل زواياها، كانت جزء من القصة. الحارات، البيوت العتيقة، المينا، الختياريي، والمناظر الحلوة، هني جزء من أحداث المسلسل بكل تفاصيلو.

_{Credits: aawsat}

مش بس الشخصيات علقت بقلوبنا، كمان البيوت القرميد، المناظر الحلوة، والحارات اللي بتذكرنا بطفولتنا وأجمل ذكرياتنا.

ومتل ما قال موقع بلدية البترون، “تصوير مسلسل بالدم بالبترون كان الخيار الصح!” مدينة بتجمع بين التاريخ والحداثة، الجمال والطاقة، البحر والحياة. كل مشهد بالمسلسل عم يعكس سحر هالمكان وروحو اللي بتخطف القلب.

وإذا حابين تعملوا جولة بقلب شوارع البترون يلي تصورت فيها الأحداث، فيكن تشوفوا هالفيديو اللي بيفرجيكن أماكن التصوير:

وهيدي بجوعة البترون نجمة مسلسل بالدم وبدور “سوسن”. شوفوا قصتها هون.

بالوقت يلي بطلة المسلسل غاليا عم تدور على هويتها وأصلها وبيها وإمها الحقيقين، البترون كانت دايماً أم وبي لكل اللي ضاعوا ولقوا حالن هون لأن البترون مش بس مدينة، هي البيت، هي الجذور وهي تاريخنا.

صح بالدم عم يروي قصة بتجمع الماضي بالحاضر. بس هيدي القصة متل البترون، بتجمع بين الماضي والحاضر، وبين الجمال والطاقة اللي بيحملها هالمكان.

عجبكن هيدا المقال عن الأماكن لي تصور فيها مسلسل بالدم… البترون؟ شوفوا كمان، عم بقولوا قصة مسلسل ماغي بو غصن مسروقة… شو الخبرية؟