أخيراً، كل طيارات MEA راجعة من قبرص بسبب إستقرار الوضع!

السنة الماضية، طيران الشرق الأوسط (MEA) نقلت الجزء الأكبر من أسطولها من لبنان للدول المجاورة خلال الحرب، كإجراء احترازي ل “تأمين التواصل بين لبنان وباقي العالم،” بحسب رئيس مجلس الإدارة محمد الحوت.

إجا القرار لنقل الطيارات بعد ما صار في حكم تقليص التأمين على التغطية ضد مخاطر الحرب بحوالي 80%. هالشي ترك الميدل إيست بإمكانيات مالية محدودة للحماية ضد الأضرار المتعلقة بالحرب. حافظت الشركة على 22 طيارة بلبنان، بينما نقلت 10 ل قبرص، عمان، قطر وبلدان تانية.

لحسن الحظ هلّق، مع تراجع خطر الحرب، بلَّشت MEA ترجع طياراتها تدريجياً على بيروت، مع آخر طيارتين راجعين من قبرص بكرا، 21 آذار 2025.

الطيّارتين الأخيرتين A321neo رح يطيروا من لارنكا لبيروت بكرا تقريبًا الساعة 10 الصبح. للمزيد من المعلومات والتحديثات، تأكدوا انكن تشوفوا الموقع الإلكتروني والإنستغرام التابع للـ MEA.

رجوع الطيارات الأخيرة للـ MEA بيعتبر خطوه نحو استعادة العمل بالكامل بمطار بيروت – رفيق الحريري الدولي. وبيعكس كمان زيادة الثقة باستقرار لبنان مع عودة شركات الطيران للجداول الطبيعية شوي شوي. ال-MEA عم تتابع الوضع عن كثب، لتضمن أمان الركاب مع المحافظة على التواصل الجوي المهم. ومع رجوع كامل الأسطول للخدمة، إن شاء الله تدعم شركة الطيران تعافي اقتصاد لبنان وتوصل المسافرين بالوجهات حول العالم.

شوفوا كمان، من بيروت ع أبوظبي ب 61$، خط جوي جديد جايي ع لبنان!