الليرة رجعت تحكي: بدلوا ألف ليرة قديمة بمشروب ببلاش!

بعد عندكن ألف ليرة لبنانية قديمة؟ صدقونا لما نخبركن إنو رح تعوزوها! إذا كنتوا عبالكن تسترجعوا ذكريات زمان بطريقة مهضومة ومميزة، كافيه Coffeshot بالجديدة جايب فكرة حلوة!

 هلق، فيكن تستبدلوا ألف ليرة لبنانية قديمة (اي، الألف الزرقا وبس!) بأي مشروب لذيذ من عندن. الـ 1000 ليرة القديمة كانت جزء من ذاكرتنا، واليوم Coffeshot عم يعطي فرصة ليخلي الليرة تحكي من جديد، بس ع طريقتو! 

أما المشروبات،  Coffeshot عندو خيارات كتير لذيذة والقهوة عندو مختصة، من قهوة إسبرسو قوية أو كابتشينو، للقهوة العربية، وكتير كمان اشتهر بالسحلب يلي بيعملوا. القهوة عندن سعرها بين 3$-4$ حسب طلبكن، وكل مشروب بيتم تحضيرو بحب وبأجود المكونات ليعطيكن أحلى وأغنى طعم. هيدا عدا عن الكريب الشهية يلي بتكمل قعدتكن. 

القعدة عندو مريحة والديكور كتير كوزي، أما الخدمة أكتر من ممتازة. 

بتلاقوا Coffeshot بالجديدة شارع الحكمة ومزار كفردبيان، فيكن تابعوا حسابن ع انستغرام هون. 

شوفوا كمان، ٥٢ شغلة بس جيل التسعينات رح يتذكروها!