محل برغر جديد بالأشرفية، بيستاهل تجربوه؟

مطعم Fine B هو أجدد محل برغر فتح بالأشرفية، وما قدرنا إلا نزور المحل ونخبركن عن تجربتنا! من البلاط الأحمر والأبيض يلي بيعطي طابع كلاسيكي، للديكور المستوحى من الداينر الأمريكي، وصولًا لريحة البرغر المشوي يلي أسرنا من أول لحظة. تجربة ولا أطيب لعشاق البرغر!

هل عنجد مطعم Fine B بيستاهل تجربوه؟ خلونا نخبركن عن رأينا الصريح

شو طلبنا

جوانح بربون بالشوكولا

للجرئيين بالأكل، جوانح الشوكولا بوربون هي مغامرة ما بتتفوت! مزيج قوي بين الحلو والمالح رح يفاجئ حواسكن بكل كدشة. إذا بتحبوا التجارب الجديدة، هيدي لازم تكون وجهتكن الأولى!

برغر The Finest

عندن السماشد برغر من الأطيب ع المنيو. مزيج مثالي بين الطعم الجوسي والقرمشة ع الآخر، هالبرغر عنجد ولا أطيب!

ترافل فرايز

وما مننسى الترافل فرايز—كانوا مقرمشين وبيشهوا، وألذ شي جنب طبقكن الرئيسي. ما رح تحبوا تتشاركوهن مع حدا أد ما طيبين!

ساندويش دجاج كاتسو (هيدي السندويشة إختصاصن!)

ساندويش الدجاج كاتسو كان من أبرز الوجبات عندن. دجاج طري وبيعصر مع صوص لذيذ، وللصراحة، عرفنا ليه هالسندويشة إختصاصن أد ما زابطة معن. أكيد رح تحبوا ترجعوا وتجربوا مرة تانية.

البروكي

وللتحلاية طلبنا بروكي، وكانت كتير طيبة. غنية، دافية، ودسمة—أكيد بتعجب الكل.

ديكور شيك وجو الستينات

من لحظة ما دخلنا، انبهرنا بالديكور. المكان عندو جو ممتع متل الداينر الأمركاني مع حيطان وبلاط أحمر وأبيض بتعطي إحساس ريترو كول من الستينات. المكان نضيف، مريح، وشيك – مثالي لعشا ع رواق أو لقعدة مع الأصحاب.

والفريق يلي بيشتغل عندن كتير رحبوا فينا وضلوا يسألونا إذا عايزين شي!

ساعات الدوام

من الاثنين للسبت – من 12 الضهر لـ 12 بالليل
الأحد – من 12 الضهر لـ 10 بالليل

رقم التلفون: 813 786 71

اكبسوا هون للموقع وين.

شوفوا كمان، ترند كيك أحمد الزامل صار بلبنان، جربوا هون!