عزيزة: مطعم جديد بضبيه، قعدة حلوة وأكل بشهي!

إذا بعد ما جربتوا عزيزة، عم بتروحوا عليكن كتير! هيدا المطعم الجديد فتح بضبيه قدام Casper & Gambini’s، وعامل جو غير شكل.

أوّل ما تفوتوا، رح تحسّوا إنكن دخلتوا ع غير عالم! ألوان، خضار بكل زاوية، كراسي مريحة، وقعدة مرتبة بتخليكن بدكن تضلكن قاعدين. إذا بتحبوا الطقس الحلو، عندن تراس كبير للقعدة البرانية، واذا مزاجكن شي أكتر رايق، القعدة الجوانية أجواءها بتاخدكن ع غير مود.

الأكل؟ لبناني مع لمسة عصرية! مقانق، بطاطا حرة، كبة مقلية، ورق عنب، رقاقات جبنة، فتنة بتنجان، وسمكة أجاج مشوية، تأكدوا إنو تجربوهن كلن، وأكيد ما بتكتمل السفرة بلا حمص عزيزة. أما بالنسبة للطبق الرئيسي، طلبوا سبيشال عزيزة يلي هوي من إختصاص مطعم عزيزية وإلو تتبيلة خاصة.

إذا من جماعة الحلو، فهون الحلويات ما بتتفوت! شوارب جدي أكتر من مهضومة مع غزل البنات، ومغلي عزيزة بيذكركن بنكهة الطفولة. وبعد القهوة؟ طلبوا طبق بسكوت وراحة بالورد، شي بشق القلب!

والأسعار؟ تقريباً 28-30$ عالشخص.

إذا مزاجكن شيشة بعد الأكل، عندن خيارات بتجنن، والقعدة بالليل إلها طعمة تانية. قريباً رح يفتحوا صالة للمناسبات، يعني إذا عندكن عيد ميلاد، عشا، أو أي جمعة، صار عندكن محل مرتب يجمعكن مع أصحابكن وأهلكن.

عزيزة مش مطعم عادي، هيدا محل بتقعدوا فيه وبتنسوا الوقت. الأكل، القعدة، والأسعار كلّن بيكملوا بعض، وهيدا النوع من الأماكن يلي من بعد ما تجربوا، بتصيروا ترجعوا كل مرة!

العنوان: ضبيه
الرقم: 213 213 70

شوفوا كمان، أحلى ٢٥ مطعم تاخدوا الماما علين نهار عيد الأم.