٥ محلات بتبيع فخار بلبنان… إذا بتحب التراث، لازم تزورهن!

في شي عطول بخلينا نرجع للماضي، خصوصي وقت نشوف شغلات معمولة بإيدين تعبوا عليها. والفخار واحد من هالإشيا يلي إلها ريحة التراث، بتحسوها بتحكي تاريخ بأدق تفاصيلو. بس للأسف، هالحرفة العريقة عم تواجه صعوبات كتيرة بلبنان، وأهلها عم يناضلوا لتضل موجودة. لهيك، حبينا نسلّط الضو على ٥ محلات بعدها عم تشتغل بالفخار، وكل محل عندو قصتو الخاصة.

١. فخار حنا، آسيا

إذا بدكن الفخار الأصيل، ما إلكن إلا آسيا. هالضيعة معروفة بهالشغلة، وكل قطعة معمولة عالأصول. عند فخار حنا، بتلاقوا كل شي بيخطر عبالكن، من طناجر فخار للأكل، للأبرقة، للصحون والجوط. مش بس هيك، الفخار عندن بيحفظ الأكل سخن أو بارد لفترة طويلة.

الرقم: 335 835 76

٢. فخار فخوري، البرجين

إذا كنتو عم تفتشوا على بريق مي أو أدوات منزلية بفخار نضيف وعملي، فخار فخوري بالبرجين عندن خيارات بتعجبكن. صناعتن متقنة، وكل قطعة معمولة بحب.

الرقم: 921 688 03

٣. Benissa Bassar

هالصبية عندها موهبة مش عادية! بتصمم قطع فخار موديرن، بألوان وشغل يدوي. إذا كنتوا بتحب الفخار التقليدي بس بروح عصرية، لازم تلقوا نظرة على تصاميمها.

تابعوها هون

٤. مصنع أبو جورج للفخار، طرابلس المينا

مش بس محل، هيدا مصنع ومحل لتعليم مهنة الفخار. فيكن تشتروا قطع مميزة، أو حتى تتعلموا كيف تحضروها بنفسكن. فرصة مش بس تشتروت فخار، بل تعيشوا التجربة كمان!

الرقم: 267 517 03

٥. فخار أديب الغريب، راشيا الفخار

إذا في حدا بيعرف بالفخار، فهني أهل راشيا الفخار. أديب الغريب وعيلتو صارلن ٥٥ سنة بهالمصلحة، ومعروفين بصناعة الأبرقة الفخارية يلي ما بتلاقوا متلن بالمحلات العادية.

الرقم: 483 990 78

الفخار مش بس ديكور، هوي جزء من هويتنا اللبنانية. إذا عنجد بدكن تدعمو هالحرفة، ما إلكن إلا تشتروا من أهلها، لأنن هني وحدن قادرين يحافظوا عليها!

شوفوا كمان: ضيعة زغيرة منسية بالبترون، بس وصلت إسم لبنان للعالم!