فيديو: بنت بريطانية جربت الأكل اللبناني لأول مرة… والنتيجة كتير مهضومة!

هيدا ألطف فيديو رح تشوفو اليوم! مارلو هي بنت بريطانية كتير مهضومة على تيك توك، وآخر فيديو إلها عم تشارك فيه تجربتها بتذوق الأكل اللبناني لأول مرة، وتعليقاتها كتير مهضومة.

هيدي أول حلقة من سلسلتها الجديدة Marlow Meets، وين هي وإمها، لورين، بيجربوا أكلات من مطابخ مختلفة حول العالم، وكتير مبسوطين إنو اختيارهن الأول كان الأكل اللبناني.

هيدا الفيديو الكامل:

أول شي بتجرب الحمص والبابا غنوج مع الخبز العربي، وبتوصفن بـ “الرائعين.” وكمتذوقة شطورة، مارلو بتحزر صح إنو البابا غنوج معمول من الباتنجان.

بعدين، بتجرب ورق عنب. وبتعترف إنه كان شوي صعب بالأكل، بس بتحكي إنه كانوا كتير طيبين. ونحن منوفقك يا مارلو – يمكن جربي تاكليهن بالشوكة!

من بعدها بتدوق الفطاير سبانخ، وبتطلب نعمل منها أكتر بلبنان. وهون مارلو بتنتقل لشي أطيب بعد: مسقعة، وطلع غرامها هالأكلة!

بتختم الفيديو بكدشة من الشاورما الدجاج، وطبعاً كم لقمة من البقلاوة. بس بعد كل هالتذوق، واضح انه المفضلين عندها هني المسقعة والبابا غنوج.

إذا حابين تتابعوا فيديوهاتها للأكل، شوفوا حسابها على تيك توك!

شوفوا كمان، الباسبور اللبناني يرتفع لأعلى تصنيف من 15 سنة!