موضة شوكولا دبي صارت قديمة! شوفوا طربوش دبي!

كلنا جربنا شوكولا دبي وصرنا مدمنين على هيدا الحلو وحبينا نجرب كمان شوكولا بيروت يلي عمل ضجة مؤخراً، بس شي حدا سمع ب طربوش دبي؟

وصل هل اختراع الجديد على لبنان وتحديداً على محل فاتح جديد بطرابلس: Fondue.

هيدا المحل عم يعمل اختراعات بتجنن بالشوكولا ولا أطيب من هيك. كلنا منعرف الطربوش التقليدي يلي كبرنا علي، بس تخايلوا حشوة شوكولا دبي يلي بتقرمش، كريما، وشوكولا بلجيكي مغرق باللذة، مع الكنافة! إي نعم، هيدا طربوش دبي، وهو النسخة الجديدة من الطربوش يلي كلنا منحبو، بس بنكهة جديدة ما بتشبه شي جربتوا قبل! وإذا كنتوا من محبي النكهات الكلاسيكية، فيكن تاخدوا سادة كمان.

هلق ما وقف الإبداع عندن على طربوش دبي، عملوا كمان حلو ورد الشام على طريقة شوكولا دبي. وكمان عملوا كايك مستوحى من الشوكولا الشهير، يعني الطاولة ما بتمرق بلا صورة قبل الأكل!

وعندن شوكولا شو ما بيشبه شي، كباية مورانغ محمرة ومغرقة بشوكولا بلجيكي، والأحلى؟ فيكن تاكلوا الكباية كمان! غير الآيس كريم الساندويش، يلي عبارة عن سابليه طري مع بوظة مغرقة بالشوكولا، طعمة بتاخد العقل. وإذا كنتوا من عشاق الميني كايكس أو الدوناتس، حضروا حالكن لأطيب نكهات بتشبع الحواس، مع حشوات وشوكولا بتدوب بالتم. عدا عن المشروبات الباردة والسخنة والحلويات الشهية والمكسرات.

وإذا كنتوا من عشاق القعدة الحلوة، عندن كل شي، من المشروبات الباردة للسخنة، مع مكسرات جنب القهوة بتعطي جوّ ولا أروع.

إذا بطريقكن على طرابلس، ما فيكن تفوتوا هالتجربة. Fondue فاتح بطرابلس على المينا، بوج الصليب الأحمر. وإذا بتحبوا تحجزوا أو تطلبوا، فيكن تتواصلوا معن على 843 980 81.

عجبكن هيدا المقال عن طربوش دبي؟ شوفوا كمان، أفخم شوكولا الكنافة ممكن تجربوا.