ترند البطيخ المكسيكي وصل على لبنان!

الترند المكسيكي لي إنشهر بالعالم العربي وصل على لبنان. محل الشاورما الشهير “كلاسيك شاورما” من بعد ما فاجأنا بترند سندويش البطيخ مع جبنة الحلوم يلي اكتسح إنستاغرام، اليوم جايب أجدد ترند ع بيروت.

ترند البطيخ المكسيكي لي هوي عبارة قرن بطيخ، متل قرن البوظة بس نكهتو شي تاني. بينلف بفروت رول أب، بيتغطس بصوص مكسيكية سرية مخلوط بين الحلو والحامض، وبينرش عليه شقف جوز لتكتمل النكهة.

والأحلى؟ إذا كنتوا بتحبوا الطعمة الأقوى، فيكن تجربوا مع المانغا بدل البطيخ! كلاسيك شاورما قرر يزيد هيدا الخيار لأنو عارف إنو في ناس بتحب تجرب كل شي جديد وغريب.

الترند هيدا مش بس طعمتو لذيذ، كمان شكلو مثير للجدل. ما بتقدروا تاكلوا بدون ما تصوروه وبتحطوا على ستوري إنستاغرام. اللون الأحمر، الأصفر، والجوز المقرمش عاملين خلطة ما بتشوفوها بولا أي محل تاني.

السعر؟ الكباية بـ 000 300 ل.ل.. تجربة جديدة ومميزة، خاصة إذا كنتوا بتحبوا الخلطات الغريبة يلي بتجمع الحلو مع الحامض.

ومش بس هيك، إذا ما عبالكن تغامروا، عندن كمان علب فريز مع صوص شوكولا بلجيكي. شي فخم للناس يلي بتحب النكهات الكلاسيكية أكتر من المغامرات.

هيدا الترند مش أي ترند، هيدي تجربة غريبة! معقول تجربوها؟ فيكن تطلبوه ديليفري أو تمرقوا عالمحل وتجربوا بنفسكن.

العنوان: طريق المطار، حد بلدية الغبيري
الرقم: 095 886 70

شوفوا كمان، بومبا: الحلو التركي الشهير على لبنان.