انسوا شوكولا دبي! صار في شوكولا بيروت، جبيل، جنوب وكل لبنان!

عنجد زهقنا من شوكولا دبي! Magnifico مقدملكن شوكولا ما في متلها بلبنان كلو رح تفرفح قلبكن! وكل لوح من الشوكولا بياخدكن رحلة صغيرة لأجمل الأماكن بلبنان. شوكولا Magnifico مش بس طيبة، هي تجربة بتخليكن تحسّوا إنكن عم تدوقوا لبنان بكل زاوية.

شوكولا Magnifico من إختراع الشيف علوية المحبوب، بتقدملكن لحد هلق 9 نكهات مستوحاة من أجمل مدن لبنان، رح نخبركن عنّها وعن النكهات المتنوعة يلي بتبدع بتراثنا. 

رح نبلش بشوكولا بيروت يلي هي عبارة عن بقلاوة وكاجو، الحشوة غنية ومحافظة ع قرمشتها. أما شوكولا طريق الجديدة بتجمع بين الكنافة والحلاوة بمزيج فخم بيغنيكن عن أي شوكولا تاني!

شوكولا بقاع فيها كنافة ولوتس بتجي غنية واللوتس هشة. وشوكولا بعلبك نكهتها قهوة وكورن فلكس، بتجمع بين القهوة العربية والقرمشة الطفولية اللي كلنا منحبها.

 أما شوكولا جنوب غير عالم وعبارة عن كنافة ولوز! وإذا عم نحكي عن شوكولا صور، بتعيشوا طعم كيك الجبن (تشيز كيك) مع الحامض يلي بيرجعكن ع أيام الصيفية. وإذا جربتوا شوكولا طريق صيدا القديمة  يلي بتجي بغزل البنات والفريز الطيبة، رح تاخدكن ع شوارع صيدا من كدشة وحدة. 

ما خلصنا! بعد في شوكولا جبيل يلي بتجي محشية غزل البنات وفستق حلبي. وأكيد ما رح ننسى شوكولا طرابلس، نكهتها قشطة يلي قريبا رح توصل وتبسطكن!

بعد فيه نكهات جديدة رح توصل، متل شوكولا الضاحية، شو بتقولو ح تكون حشوتها؟ وهل رح تجربوا شوكولا منطقتكن؟

شوكولا Magnifico مش بس طيبة وفكرتها مميزة، كمان بتخلّي كل لحظة حلوة! جربوها وما رح تندموا. عم تنباع حصرياً بـ Magnifico Fresh Market بالضاحية جنب حلويات الداعوق، سعرها 6$ وحجمها 230 غرام. للديليفري، اتصلوا على 81/858487.

شوفوا كمان، لأول مرة، الطربوش والكربوج بحلو واحد… اسمو طربوج!