٤ مشاهير لبنانيين تزوجوا المعجبين تبعن… قصص حب خيالية!

في كتير قصص حب بتبلش بصدفة أو بنظرة، بس في نجوم لبنانيين قصص حبن كان وراها تفاصيل غير متوقعة وحكايات مليانة شغف، مفاجآت، ويمكن قدر مكتوب. تعو نشوف كيف بلشت هالعلاقات العاطفية اللي صارت حديث الناس. تعرفوا على ٥ مشاهير تزوجوا المعجبين تبعن!

١. راغب علامة وجيهان علامة

راغب علامة، الفنان المعروف بجاذبيتو وصوتو الساحر، عاش تجارب حب عديدة، لكن زواجو كان الأسرع والأكتر مفاجأة. خلال حفلة فنية بالكويت، لمح فتاة جميلة بين الجمهور، لفتت انتباهو بطريقة ما. التفت لخيو خضر وقاللو: “بدي وحدة متلها”. هالبنت كانت جيهان! من بعد الحفل، سأل عنها، وصار التواصل بيناتن.

التقوا أكتر من مرة، وكل لقاء كان يقربن من بعض أكتر. المدهش بالموضوع إنو بعد 20 يوم بس من تعارفن، راغب قرر يتزوجها! ومن وقتها، صاروا من أنجح الثنائيات بالوسط الفني، وجيهان ما كانت بس زوجتو، بل شريكة نجاحو وسندو الدايم.

٢. رامي عياش وداليدا سعيد

داليدا سعيد، قبل ما تكون مرتو لرامي عياش، كانت مجرد طالبة جامعية بتحب أغاني. بيوم من الأيام، وهيي قاعدة مع صديقاتها بالجامعة، صاروا يحكوا عن رامي، فمزحت وقالت: “أنا اللي رح اتجوزو!”. ضحكوا الصبايا، وما خطر ببالها إنو هالمزحة رح تصير حقيقة!

الصدفة جمعتها معو بعد فترة من خلال صديقو الملحن سليم عساف. تعرفوا، وصارت بيناتن أحاديث طويلة، لحد ما تحولت العلاقة لصداقة، وبعدين حب عميق. اليوم، هني من أكتر الثنائيات الناجحة، وعندن عيلة حلوة وحب متجدد كل يوم.

٣. وائل جسار وميراي مقدسي

يمكن أكتر قصة رح تأثر فيكن هيي قصة وائل جسار وميراي. الحب عند وائل جسار كان قصة استثنائية. ميراي كانت معجبة في، وراحت على حفلة من حفلاتو بس لتشوفو عن قريب. الغريب بالموضوع إنو هيي كانت الشخص الوحيد بالحفلة اللي ما كان عم يرقص، بس كانت عم تطلع في باهتمام طول الوقت. هالشي لفت انتباه وائل، وصار عندو فضول يعرف ليش مختلفة عن باقي الجمهور. بعد الحفلة، تواصل معها، وبلّشت بيناتن صداقة مميزة.

مع الوقت، تحولت الصداقة لحب كبير، بس المشكلة إنو ميراي كانت من غير دين وتركو لأن حتى وائل ما كان جاهز يستقر. بعد فترة وقفوا يحكو وتركو لأن ما كان قادر يفتح بيت، خطبت ميراي شخص تاني وقررت تشوف حياتها! قبل بنهار من عرسها بيجي وائل وبشوفها وبقلها إنو هو مستعد يعمل كل شي كرمالها إذا بتقبل تجي معو. تاني نهار راحت معو ولغت العرس لأنها كانت متأكدة إنو هوي حب حياتها. واليوم، هني من أكتر العائلات الفنية استقرار وسعادة.

٤. زياد برجي وسناء فرح

قصة حب زياد برجي وسناء فرح هيي من القصص اللي بتأكد إنو كلمة بسيطة ممكن تغير حياة إنسان. سناء كانت معجبة بزياد، وبعتتلو تعليق عفوي على الفيسبوك: “إنت جميل وصوتك جميل. وحظاً سعيداً”. يمكن بالنسبة لإلها كان تعليق عادي، بس بالنسبة لزياد كان الشرارة اللي خلتو يقرر يحكي معها! الحديث الأول كان سريع، لكن صاروا يحكوا كل يوم تقريباً. بعد أسبوع واحد بس، قاللها: “بدي اتجوزك!”

فكرتو عم يمزح، بس كان جدي، وبعد سنة من التعارف، صاروا زوج وزوجة. واليوم، عندن عيلة حلوة، وبيشاركو جمهورهن لحظات حبن القوي والمستمر.

الحب أقوى من الشهرة

هالقصص بتأكد إنو الحب ما بيعرف لا شهرة ولا مسافة. يمكن نظرة، كلمة، أو حتى تعليق بسيط قادر يغير مجرى الحياة. مين كان متوقع إنو المعجبين لبعض مشاهير لبنانية تزوجوا بعض؟ الحب الحقيقي ممكن يجي بأي طريقة، وأوقات بيكون مجرد قدر مكتوب.

شوفوا كمان،وينن: التطبيق يلي بيختصر وقتك… وبيعرف وين أصحابك!