بومبا: الحلو التركي الشهير وصل على لبنان!

حزروا شو؟ الحلو التركي يلي مكسر الدني بتركيا صار هلق ببيروت! إذا بتحبّوا الشوكولا يلي بدوب بالتم، صار وقت تدلعوا حالكن وتجربوا هالقطعة الحلوة. المشهد لحالو كفيل يخلي الواحد يرجع يطلب غيرها بدون تفكير!

حلو بومباسي، هوي الحلو يلي الناس بتركيا مدمنة علي، وهلق صار فيكن تلاقوا بكيوسك “بومبا” ببيروت. ومن كتر ما يلي جربوا هالحلو حبو، صار إسمو “بومبا” ع اللبناني وعنجد إسم عمسمى! عجينة رقيقة وطرية، بقلبها شوكولا سايحة بتدوب دغري بس تقطعوها. الصراحة؟ كل شي فيها بيدوب، من العجينة للنكهة للفرحة يلي بتجي مع كل لقمة!

صدقونا، ما رح تكتفوا بوحدة… عالقليلة بدكن اتنين أو تلاتة! وبالصور والفيديوهات، المشهد لحالو بيعمل ضجة، كيف إذا دقتوها؟ تجربة بتعلق بالبال وما بتنتسى.

“بومبا” مش محل، هو كيوسك زغير بس مليان سعادة! بتوقفوا، بتطلبوا، وبتاخدوا ألذ قطعة بومباسي دغري تاكلوها على الطريق. تجربة سريعة بس طعمتها بتضل بالبال! القعدة مش ضرورية، بس المزاج رح يتعدل لحالو بس تدوقوا هالتحفة الحلوة. وفيها تكون أحلى فكرة هدية لحبيبكن يلي بحب الشوكولا.

القطعة بـ 5$.

كل يلي جربوا هالقطعة الحلو صاروا مدمنين. المحل بقلب Cozy Cafe جناح، بيروت. ما تتأخروا، لأن حلو تجربوا الشغلات الجديد أول شي!

شوفوا كمان، بتعرفوا إنو أكبر منتجع تزلج بالشرق الأوسط موجود بلبنان؟