كافيه أول من نوعه بالنبطية، ولعشاق القطط بس!

محبي القطط رح ينغرموا بهالمحل الجديد! كوكو كافيه Coco Cafe هو أهضم كافيه فتح بالنبطية، مسمى على اسم هالسكوتش فولد المهضوم اللي اسمو كوكو.

أول كافيه من نوعو بالنبطية، كوكو كافيه بيجمع حب الناس للقطط والقهوة بأحلى طريقة.

لما تزوروا، بتلاقوا القط كوكو الصغير ناطركن، عم يبرم بالكافيه، ساعة نايم، أو عم يلعب مع الزباين. صح وقتو عبارة عن لعب ونوم وأكل، بس بيعطي وقت للزوار! لكل رفقاتكن يلي بيحبوا البسينات، أو عندن قطط بالبيت، هيدي وجهتكن المثالية لتعيشوا تجربة مهضومة ولطيفة.

هالمحل صرلو بس كم يوم فاتح، وصار المفضل عند الكل، و الكل معجب بكوكو!

بعدنا ما خلصنا، هيك رح تلاقوا المنيو. بتلاقوا مشروبات سخنة كلاسيكية متل الإسبريسو، الماكياتو، والفلات وايت للي بيحبوا القهوة التقليدية. المشروبات مقدمة بقلب كبيات مطبوعة عليها كوكو، معقول في أهضم من هيك؟

للي بحبوا يجربوا شي مميز، كوكو كافيه بيقدم مجموعة من الفرابيات المتخصصة متل الكوكي بروليه والكراميل المملح.

فيكن تشوفوا المنيو والأسعار هون:

أوقات الدوام

من الساعة 7:30 المسا لحتى الساعة 1 بعد نص الليل

ساعات العمل الحالية يمكن تكون مؤقتة لشهر رمضان. تأكدوا إنكن تابعوا إنستغرام تبعن لتشوفوا آخر الأخبار! ولتعرفوا الموقع بالزبط وين، اكبسوا هون.

عم بتخططوا لمشوار على النبطية لزيارة Coco Cafe ؟ شوفوا قسم #النبطية على موقعنا، ليساعدكن تخططوا رحلتكن!