١٠ مطاعم قراب من مزار كفردبيان – دليلكن لأطيب الأكلات بعد نهار تزلج!

بعد نهار تزلج أو مشوار على مزار كفردبيان، ما في أحلى من قعدة مريحة وأكل طيب. إذا كنتوا عم تقضوا نهار على التلج بمزار كفردبيان وعم تفتشوا على مطعم بجو بيفتح النفس، جمعنالكن مطاعم بتناسب كل الأذواق، من الأكل اللبناني التقليدي للأطباق العالمية.

١. جنينة الخواجة – فقرا

إذا عبالكن قعدة بجو دافي ومريح، جنينة الخواجة هو المكان المثالي. هون بتلاقوا الأكل اللبناني الأصيل، من المشاوي الطيبة للمقبلات الغنية بالنكهات. الجو حميمي كتير، والقعدة بترد الروح.

الرقم: 568 444 76

٢. بانشو فينو – فاريا

عشاق الأكل الإيطالي، هيدا هوي مكانكن! من الباستا الطازة للبيتزا على الحطب، الطعمة بتاخدكن عإيطاليا من أول لقمة. الأجواء دافية، وكل تفصيل بالمطعم بيحسسكن كأنكن قاعدين بريف إيطاليا.

الرقم: 070 517 70

٣. مطعم فوزي – فقرا

إذا بدكن طعمة الأكل اللبناني عأصولو، جربوا هالمطعم! بين المشاوي، المازة، والخبز الطازة، كل شي هون معمول بدقة ونكهة بتشبه الأكل يللي مناكلو بالبيت.

الرقم: 575 406 03

٤. Les Caves de Chez Michel – فقرا

لمحبي المأكولات الفرنسية، هيدا المكان تجربة بحد ذاتها. القعدة داخل القبو الحجري بتعطي شعور بالدفا، والستيك مع الصوصات الغنية هون لازم تجربوها. إذا كنتوا من عشاق النبيذ، عندن تشكيلة ممتازة بتكمل الأجواء الأنيقة.

الرقم: 418 894 03

٥. مطعم زنهور – كفردبيان

ما في أطيب من برغر مع لحمة طازة مع عالتلج، وزنهور متخصص باللحمة الأصيلة، من البرغر الطازة للمأكولات اللبنانية الأصيلة.

الرقم: 850 144 70

٦. شي شاكر – كفردبيان

محل ولا أشهى لعشاق المأكولات المشوية والأطباق الشرقية. القعدة هون بتجنن، والأكل كلو طازة وما بيكمل من دون بريق شاي سخن حد الموقدة.

الرقم: 800 341 29

٧. طريق النحل – فاريا

إذا عبالكن قعدة حد التلجات مع أكل لبناني بيشهي، طريق النحل هوي الخيار الأمثل. عندن ألذ مشاوي وأطباق لبنانية بتخليكن ترجعوا أكتر من مرة! تجربة الأكل هون فريدة من نوعها، والمناظر البيضا حواليكن بتزيد من متعة الأكل.

الرقم: 394 737 03

٨. Friend’s In – عيون السيمان

مقهى ومطعم بجو شبابي بيفتح النفس، مناسب للقعدة مع الأصحاب بعد يوم طويل بالتلج. الأكل متنوع بين سندويشات، بوشيات، وحتى أشهر الأطباق العالمية.

الرقم: 212 812 03

٩. شيف فيليب – فقرا

إذا عبالكن تجربة راقية وأطباق عالمية معمولة بإتقان، شيف فيليب هوي العنوان. معروف بأطباقو الفريدة مع لمسة سويدية، واليتزا مع الصوصات الخاصة في أكتر من رائعة.

الرقم: 508 803 81

١٠. Bistr’haut – فاريا

مطعم بجو دافي وأكل عالمي، مناسب لجلسة رومانسية أو لقعدة هادية بعد نهار طويل. عندن تشكيلة واسعة من الستيك، البرغر، وحتى الأطباق الإيطالية.

الرقم: 097 481 03

إذا كنتوا قريبين من مزار كفردبيان وبدكن محل تتعشوا في أو تتغدوا بعد يوم طويل، أكيد رح تلاقوا المطعم يللي بيناسبكن!

شوفوا كمان، بتعرفوا إنو أكبر منتجع تزلج بالشرق الأوسط موجود بلبنان؟