خيمة رمضانية عالبحر، بوفيه ولا أطيب، وعروض مميزة عند هالأوتيل ببيروت!

إذا كنتوا عم تفتّشوا على تجربة رمضانية راقية مليانة سحر وجمال، Lancaster Eden Bay محضرلكن تجارب مميزة بتجمع بين الفخامة، زينة رمضان، والإطلالة الساحرة على البحر ببيروت. حضروا حالكن لتعيشوا لحظات ما بتنتسى مع العيلة والأصحاب خلال الإفطار والسحور، بعروض استثنائية ومنيو مميّز بهالشهر الفضيل.

شو ناطركن ب Lancaster Eden Bay خلال رمضان؟

أحلى خيمة رمضانية جنب البحر!

هيدا الأوتيل عامل أجمل خيمة رمضانية لتتسحروا هالسنة، خاصةً مع قعدة مطلّة ع البحر! عيشوا أجواء رمضان بطريقة خيالية جنب المسبح بـ Lancaster Eden Bay!

سهراتن كلها حماس وأجواء مميزة، من عروض ترفيهية بتاخد العقل لأطيب الأكلات الرمضانية. حضروا حالكن لليالي بتضلها بالبال! أول ما تدخلوا، بيستقبلكن زلمي ع السجادة السحرية، وجوا في عرض القهوجي، رسم الحنّة، ورقص الدراويش، غير العروض الفنية اللايف يلي رح تغمركن بأجواء ولا أروع. وإذا كنتوا بتحبّوا الألعاب، فيكن تتسلّوا بألعاب النرد والورق مع أصحابكن. وطبعًا، ما في أحلى من محطّات الأكل يلي بتقدملكن أشهى المأكولات إن كان ع الطلب أو بمنيو سحور.

سواء جايين مع الأصحاب أو العيلة، ما في أجمل من سحور رمضاني عالبحر، أجواء خيالية وأكل بشهي!

للحجز، فيكن تتصلوا على 279 797 70 – 000 838 01.

إفطار ع البحر بمطعم ورد الشام!

إذا كنتوا من عشاق الأكل اللبناني الأصيل، ورد الشام هالشهر هو المطعم المثالي إلكن! رح تتلذّذوا بمنيو لبناني وتقليدي بيجمع أشهى الأطباق مع لمسة عصرية، من الشوربات والمقبلات الغنية بالنكهات، للمشاوي الطيبة والحلويات الشرقية يلي بتكمّل كل سفرة رمضانية. الإفطار عند ورد الشام استثنائي والسفرة بتنفرش من الميل للميل، وأطيب مازة ع مد نظركن.

وكل هيدا مع إطلالة بانورامية ع البحر بتخليكن تحسوا بالراحة والسعادة. الأجواء الرمضانية ما بتكمل بدون العيلة، ولهيك فيه ترفيه خاص للولاد لحتى يمضّوا وقت ممتع إنتو وعم تستمتعوا بالأكل والأجواء.

سعر الإفطار 53$ للشخص و27$ للولاد من عمر 6 إلى 12 سنة، أما الولاد تحت 6 سنين فإفطارن مجاني.

للحجز، فيكن تتصلوا على 352 535 76.

سحور مميّز عند ورد الشام مع عروض لايف! 

السحور عند ورد الشام تجربة بحد ذاتها! رح تستمتعوا بسحور راقي مع جلسة ساحرة وإطلالة مباشرة على البحر بترافقكن بكل ليالي برمضان. المنيو غني بأطباق مميزة وخيارات بترضي كل الأذواق، سواءً كنتوا بتحبوا السحور الخفيف أو وجبة دسمة.

وحتى يكمل الجو، رح يكون فيه عروض لايف بتضيف لمسة سحرية لسهرتكن، متل عزف العود يلي رح يملي المكان بألحان شرقية أصيلة، عرض القهوجي التقليدي يلي بيقدّم القهوة العربية بطريقة تراثية مميزة. الأجواء بتصير أكتر سحرية بليالي الجمعة والسبت مع عرض الدراويش، يلي بيعطيكن تجربة روحانية ما بتنتسى. غير هيدا، رح يكون في محطات أكل لتستمتعوا بوجبتكن يلي محضرة قدام عيونكن.

سعر السحور 35$ للشخص على المنيو fix أو فيكن تختاروا أطباقكن a la carte.

للحجز، فيكن تتصلوا على 352 535 76.

ناطركن بوفيه ع الإفطار بمطعم سي شيل!

إذا كنتوا من محبّي البوفيهات، لازم تجربوا الإفطار عند Seashell Restaurant! كل يوم، رح يكون في بوفيه من أكل لبناني وعالمي متنوّع، بيضم أطباق سخنة وباردة، مقبلات غنية، مشاوي، وألذ الحلويات يلي بتختم فيها إفطاركن بأحلى طريقة.

وغير الأكل، التجربة بحد ذاتها مميزة، الإفطار دغري ع البحر لتشوفوا جمال غروب الشمس، مع عرض القهوجي التقليدي وترفيه خاص للولاد كل جمعة وسبت لحتى يتسلوا.

سعر الإفطار 58$ للشخص و29$ للولاد من عمر 6 ل 12 سنة، أما الولاد تحت 6 سنين فالإفطار ببلاش.

للحجز، فيكن تتصلوا على 425 333 71.

سواءً حابين تعيشوا إفطار ع اللبناني، سحور فاخر مع عروض مميزة، أو بوفيه متنوّع بأجواء بحرية ساحرة، Lancaster Eden Bay هو المكان الأفضل إلكن بهالشهر الفضيل! لا تفوّتوا الفرصة واحجز اليوم لتعيشوا تجربة رمضانية ولا أروع! ما تنسوا تابعوهن ع حسابن هون لتشوفوا كل فعالياتن خلال رمضان.