أول كافيه بيعمل شاي الكرك بلبنان… وين؟

ما في شي أطيب من كاسة كرك سخنة بهالبردات! شاي الكرك مش متل أي شاي عادي، هيدا مشروب جاي من الهند وشرق آسيا، وصل ع دول الخليج بسبب الرحلات والتجارة، ومن وقتها صار جزء من ثقافتن. نكهة غنية، طعمة قوية، ريحة بتشق القلب… وهلق؟ صار عنا محل بلبنان بيعملو ع أصولو!

كركنا أول كافيه بلبنان متخصص بشاي الكرك. مش بس هيك، عندن وصفة خاصة، بيحضروها قدام عيونكن، وبيقدموا معا حلويات بتكمّل الطعمة. جربوا الكرك مع الcinnamon rolls المعمولين بإيدن… أو إذا بتحبوا شي مهضوم، عندن غاتو الجزر طيب بشكل مش طبيعي.

شو هو شاي الكرك؟

شاي الكرك بينغلي ع مهلو مع الهيل أو الزعفران، وبينضاف عليه الحليب ليصير قوامو كريمي ونكهتو خرافية. أوقات بيزيدوا علي نكهات متل القرفة أو الزنجبيل، ليعطي بعد أعمق بالطعم. لما تشربوا أول بلعة، بتعرفوا إنو هيدا الكرك الصح!

وإذا مش كتير بتحبوا الكرك، عندن أكتر من خيار! بتلاقوا عندن القهوة على أنواعها، الماتشا، مشروبات باردة وحتى السحلب الأصلي، متل طعمة السحلب يللي كنا نشربو عند التيتا بليالي الشتوية. كل ملعقة بتحمل معها دفا وذكريات!

وين القعدة الحلوة؟ هون! عندن جو بجنن، خصوصي الصبح. ترويقة مرتبة، كاسة سخنة، وقعدة بتفتح النفس. يلي بيزور كركنا مرة، مستحيل ما يرجع.

والمفاجأة؟ الكافيه صار موجود بالفوروم دو بيروت بمناسبة الشهر الفضيل، يعني صار أسهل تلاقوه وتدلعوا حالكن بكاسة كرك عالطريقة التقليدية!

العنوان: قريطم
الرقم: 03040266

شوفوا كمان، انسوا شوكولا دبي، صار في شوكولا بيروت!