إذا بتحبوا الحلو والخبز الطازة… هالمحل الجديد لإلكن!

في محل جديد فتح ببشامون وعم يعبي الشارع بريحة الخبز الطازة، إسمو Pain Parfait. كل شي بيعملو ع دياتن، بإيدين خبازين بيعرفوا شغلن، كل شي بينعمل طازة وبيطلع دغري من الفرن على رفوفن.

إذا بتحبوا القصص الغريبة، لازم تجربوا الإختراعات يلي بيعملوها عالصاج! كفتا مع جبنة، ستيك لحمة وجبنة، مشاطيح بيتزا، وخبز فرنجي محلى بطعمات ما بتتوقعوها. والحلويات؟ ولا ألذ من هيك! عندن حلاوة الجبن، شعيبيات مع القطر، معمول مد، وكل شي بيخطر عبالكن، خصوصي هلق برمضان. بس الحلو يلي ما بتلاقوا ب أي محل هو حلاوة الجبن يلي بقلبها داعوقية، ضروري تجربوها على السحور.

غير هيك، بيعملوا بوظة منزلية، إكلير، دوناتس، بوتي فور، وحتى تشيمني كايكس يلي منظرها بشهي! يعني إذا بتحبوا الحلو، حضروا حالكن لشي بياخد العقل.

وكمان المناقيش والمعجنات هون شي غير شكل! من الزعتر للجبنة للبيتزا، والخبرية الحلوة إنو عندن خبز مرقوق، يعني سندويش سخنة مع خبزة رقراقة طالعة من الصاج دغري.

ولمحبين الخبز، رح تلاقوا الفوكاتشيا الإيطالية، ناعمة ومنكهة، متل يلي بتلاقوها ببيوت روما القديمة. خبز معمول بحب وبإتقان.

فيكن تاخدوا تيك أواي أو تقعدوا بالمحل تتمتعوا بشي سخن وحلو مع فنجان قهوة. القعدة بسيطة ومريحة، بس الريحة والطعمة لحالن بيخلوكن تحسوا حالكن ببيتكن.

شو الخبرية يلي أحلى من هيك!؟ إنو هيدا المحل بيفتح ليل نهار وما بسكر، يعني وقت يضرب الجوب أو بوقت السحور بتعرفوا وين تروحوا.

المحل بعدو جديد، بس الكل عم يحكي عن طعمة الخبز يلي ما بتنتسى. يلي جرب حب، ويلي بعد ما زار صار لازم يروح يشوف شو القصة.

العنوان: بشامون
الرقم: 350 355 71

شوفوا كمان، المفتقة البيروتية: حلو رمضاني بامتياز.