لمحبي الأكل، عرض Open كل شي بس ب 15$ هون!

لكل عشاق الأكل، لقينالكن محل عندو عرض أكل مفتوح ع كل شي ما بتلاقوا منو بلبنان كلو!

Terminal Dbayeh هو وجهة الأكل المفضلة عنا بضبية، بيقدملكن كل شي ممكن تتخيلوه، من البرغر للبيتزا للباستا للساندويشات وغيرها. وكل أول سبت من الشهر، فيكن تستمتعوا بopen كل شي بس بـ 15 دولار من ساعة 7 المسا.

هالمرة رح تصير يوم السبت، ١ آذار.

هالجوهرة بضبية بتضم ست شاحنات أكل متنوعة، وكل وحدة بتقدملكن أكل غير. جاك بوكس بيقدم بيتزا بالجبنة، تاكو بيل بيعملكن أطيب تاكو، برغر ديستريكت عندو برغر دسم وبيشهي، و مستر عصفور متخصص بتقديم أكلات لبنانية طيبة.

للتحلاية بعد الأكل، Coffee Crema بيقدملكن القهوة مع أحلى كريمة، بينما Bakerloo بيحضرلكن الدونات الطازة لتدلعوا حالكن بشي طيب. يعني حرفيًا فيكن تدوقوا من كل شي وأد ما بدكن بسعر كتير رخيص.

هيدا العرض مثالي لجمعات الرفقة أو للأشخاص يلي بيحبوا يجربوا أطباق متنوعة، أو يلي غرامن بطنن.

شوفوا إنستغرام تابعن لتعرفوا ايمتن السبت يلي لازم تزوروهن فيه. فيكن تلاقوا موقعن وين بالضبية هون. صحتين!

شوفوا كمان، هيك أسعار سندويشات الستيك فريت عند أشهر المحلات بلبنان!