رمضان 2025: أحلى فعاليات ومهرجانات رمضانية حول لبنان

رمضان بلبنان مش بس شهر الصيام، هو شهر الأجواء الحلوة، اللمّات مع العيلة، والفعاليات يلي بتخلّي الليالي غير شكل! من الخيم الرمضانية الساحرة، لعروض الفن والتراث، لمناطق الألعاب والتسوّق، والطاولات العامرة بأشهى الأطباق، الأجواء بانتظاركن لتعيشوا رمضان بأحلى طريقة! بهالمقال، رح نخبركن عن 9 فعاليات بشهر رمضان ما بتتفوت حول لبنان، لتكونوا جزء من التجربة وتملوا لياليكن بالسحر، الفرح، والذكريات الحلوة! 

1. ليالي زمان 2025 

عيشوا أجواء ساحرة مليانة ترفيه بأضخم حدث رمضاني بالبلد، فيه منطقة مخصصة للأطفال، ألعاب للأعمار كلها، تسوّق، وأكثر بكتير! بيتضمن تشكيلة منوّعة من الأكلات اللبنانية والعالمية  لتجربة إفطار مميزة مع سوق الأكل. بيتضمن كمان برنامج وسام حنّا “أكرم من مين” مباشرةً ع LBCI كل يوم من الساعة 8 المسا للـ10!

ايمتن: من 28 شباط لعيد الفطر، من 5 بعد الضهر للـ 1 بعد نص الليل

وين: فوروم دو بيروت

الدخولية: 5$

2. خان زمان 2025

خان زمان بأوّل نسخة إلو بـ Beirut Hall، واحد من أكبر فعاليات رمضان بلبنان! تحضّروا لتجربة ما بتنتسى، تذوّقوا أطيب الأكلات، اربحوا جوائز مميزة مع وديع الشيخ ع قناة الجديد، استمتعوا بالألعاب وصالات الولاد، التسوّق، بالعروض اللايف، والمزيد! 

ايمتن: من 1 آذار لعيد الفطر، من 4 بعد الضهر لـ4 الصبح.

وين: Beirut Hall، سن الفيل

الرقم: 589 589 03

3. ليالي بيروت مع سوق البلد

سوق البلد رجع مع ليالي بيروت! عيشوا تجربة ولا أروع مليانة: سوق رمضاني وعروض وأنشطة لايف، منطقة ممتعة للولاد، تسوّق وأشغال يدوية مميزة، أشهى الأطباق اللبنانية والعالمية، اجمعوا أحبابكن وعيشوا روح رمضان بطريقة غير! 

ايمتن: من 5 آذار ل 29 آذار، من 6 المسا لـ1 الصبح.

وين: وسط بيروت

الرقم: 376 839 81

4. Ramadan In Saida

ما في أحلى من أجواء صيدا خلال الشهر الفضيل، وترقبوا مدينة صيدا الرمضانية قريباً لتضوي كل ليالي هالشهر ببرنامج كامل من عروض وأكل وأسواق وسهريات خيالية!

ايمتن: ابتدءاً من أول رمضان

وين: خان الإفرنج، صيدا

5. Ramadan Magical Oasis 

عيشوا سحر رمضان مع ولادكن بـ Ramadan Magical Oasis! تجربة عائلية فريدة مليانة فرح، سحر، وأجواء رمضانية ولا أروع! رحلة ساحرة فيها: عرض علاء الدين وياسمينة، سوق وفوازير،  أشغال يدوية وإبداعات، تجربة القبة الكونية، موسيقى لايف، وكتير مفاجآت غير!

ايمتن: 8 و 9 آذار من 1 ل 4 بعد الضهر.

وين: فندق كورال بيتش بيروت

الرقم: 479 123 71

6. The Grand Ramadan Festival 

فندق Kempinski عامل حدث رمضاني ضخم ومخصص للولاد بلبنان! شو ناطر الولاد؟ ركوب الجمل، تطيير الفوانيس، دراويش ورقص، حكواتي وقصص رمضانية، عزف عود، حنة، استعراض حيوانات، منطقة كبيرة للألعاب، أنشطة فنية، جلسة تصوير..مش بس هيك سوق، وهدايا، وجوائز مميزة! ومناسب لكل الأعمار، والكبار رح ينبسطوا كمان!

ايمتن: 8 و 9 آذار، من 2:00 – 4:00 بعد الضهر أو 6:30 – 8:30 المسا (قبل وبعد الإفطار)

وين: فندق Kempinski – جناح

 الرقم: 004 312 81

التذاكر: $35 ع الولد / $10 للكبار

7. سهرات وخيمة رمضان مع قرية فانوس 

أشهى إفطار وسحور، وعروض خيمة رمضان الممتعة بحدث ألف ليلة وعيلة بفانوس! 

ايمتن: يومياً طيلة شهر رمضان المبارك

وين: قرية فانوس، الدامور

الرقم: 149 615 81

8. ليالي وسوق رمضان بطرابلس

طرابلس رح تكون مدينة رمضانية عامرة بالفرح والأسواق والأكل والعروض الحلوة! هيدا السوق يلي كلنا مننطره كل سنة!

ايمتن: طيلة شهر رمضان

وين: طرابلس

9. ألف ليلة وليلة مع The Smallville Hotel 

خيمة ألف ليلة وليلة ناطرتكن، وين قصص شهرزاد وشهريار بتصير حقيقة وسط ديكورات ساحرة، موسيقى لايف، وأجواء ملكية وشرقية! فيه إفطار وسحور تحت أضواء الفوانيس، عروض لايف وكمان تراثية…جهّزوا حالكن لليالي ما بتنتسى!

ايمتن: من 28 شباط لعيد الفطر

وين: The Smallville Hotel، بدارو

الرقم: 552 995 70 – 457 980 78

أي رح تجربوا من فعاليات رمضان 2025 بلبنان؟

شوفوا كمان، أطيب أصناف الحلويات لي لازم تجربوها بالشهر الفضيل!