أطيب أصناف الحلويات يلي لازم تجربوها بشهر رمضان الفضيل!

رمضان ما بيكتمل بلا الحلو، وبعد الإفطار كلنا مندور على شي طيب يحلي السهرة! إذا كنتوا من جماعة التحلاية، جمعنالكن أشهر وألذ حلويات رمضان بلبنان من محلات معروفة بجودتها وطعمتها. هيك بتعرفوا وين لازم تروحوا لتجربوا النكهة الصح

١. كلاج رمضان من عند حلويات الدويهي

الكلاج الرمضاني عند الدويهي غير شكل! مقرمش من برا وناعم من جوا، محشي بالقشطة الطازة، ومغمس بالقطر ليعطي الطعمة الصح.

كل الفروع
الرقم: 435 244 03

٢. مفروكة الفستق بقشطة عند أمل البحصلي

إذا بتحبوا الفستق، مفروكة الفستق عند أمل البحصلي لازم تكون على لائحتكن! قشطة طازة، فستق غني، وطعمة بتدوب بالتم.

العنوان: حمرا، قريطم، جل الديب
الرقم: 566 785 01

٣. شعيبيات من عند L’abeille D’or

الشعيبيات عند L’abeille D’or طعمتها ما بتنوصف! العجينة بتقرش، والحشوة بتفرفط بتمكن، خصوصي إذا أكلتوها سخنة مع فنجان قهوة.

كل الفروع
الرقم: 568 095 81

٤. معمول مد بالقشطة بقصر الحلويات

معمول مد بالقشطة عند قصر الحلويات هو الاختراع لي ما بتقدرو توقفو عن أكلو! طري، مليان قشطة، ومن فوق مرشوش بالقطر ليعطي نكهة خرافية.

العنوان: شارع الملاح، عرمون
الرقم: 752 745 01

٥. داعوقية من عند حلويات الداعوق

الداعوقية عند حلويات الداعوق هيي الحلو لي ما بينشبع منو! طبقات من العجينة الدهبية المحشية بالقشطة والفستق، بتشوفوها بتعرفوا إنكن رح تعيشوا تجربة طعمة ما بتنتسى.

كل الفروع
الرقم: 203 300 01

٦. مفتقة من عند حلويات غرمتي وقبلاوي

المفتقة هي الحلو يلي بيعطي طاقة! مليانة سمسم، قطر، ومكسرات، ومن عند غرمتي وقبلاوي طعمتها بتشهي، لازم تكون على سفرتكن برمضان!

العنوان: صيدا
الرقم: 922 732 07

٧. بوظة ميري كريم على كنافة عند حلويات البابا

البوظة مع الكنافة عند البابا بتعطيكن مزيج طعمة ما بتلاقوا متلها! بوظة كريمية غنية مع كنافة سخنة ومقرمشة، يعني الحلو المثالي بعد الإفطار.

العنوان: صيدا
الرقم: 733 455 71

٨. كربوج من عند الحلاب

إذا ما بتعرفوا الكربوج، صار وقت تتعرفوا علي! حلو طرابلسي معروف، معمول طري ومحشي بالجوز أو الفستق، ومغطى بطبقة بتعطيه طعمة مميزة. من عند الحلاب، لازم تجربوا!

كل الفروع
الرقم:1881

٩. طربوش فستق من عند حلاب الغازي

طربوش الفستق عند حلاب الغازي شكلو وطعمتو غير شكل! مزيج بين الطربوش التقليدي والفستق الحلبي يلي بيعطي نكهة مميزة ما بتلقوها غير هون.

العنوان: كورنيش المزرعة والكولا
الرقم: 915 707 01

١٠. شوكولا دبي من عند ال Maison Sibon

إذا كنتوا من عشاق الشوكولا، جربوا شوكولا دبي من Maison Sibon! قطع غنية بالحشوة الشهيرة، ناعمة وبتاخد العقل.

العنوان: كل الفروع
الرقم: 493 499 01

١١. لوزية من عند ال Sea Sweet

اللوزية عند Sea Sweet هيي التحلاية يلي بتحبها كل العيلة! محضرة من اللوز الطبيعي مع القطر الخفيف، بتعطي طعمة إدمان.

العنوان: كل الفروع
الرقم: 104 719 04

شوفوا كمان، مسلسلات رمضان اللبنانية والسورية لسنة 2025.