صار فيكن تاكلوا شاورما على سمك بلبنان!

إذا في حدا منكن حابب يجرب شي جديد (ويمكن شوي غريب)، محل فتايل بمنطقة كفرمان عم يدمج الشاورما والسمك.

منقدملكن الشاورما على سمك، إختراع فريد من نوعو عند مطعم فتايل. محل “فتايل” بكفرمان قرر يكسر القاعدة ويدمج بين أكتر سندويشين محبوبين: الشاورما والسمك! تخايلوا قطع من السمك الطازة مع تتبيلة الشورما الروعة، كلن ملفوفين بخبز طري مع كبيس وبندورة، أو حتى مع بطاطا مقلية إذا عبالكن مغامرة أكل جديدة.

الأحلى بهالسندويش إنو مش بس طعمتو جديدة، كمان خيار مناسب للي ما بياكلوا لحمة، خصوصي وقت الصيام. يعني إذا كنتوا من جماعة “ما فينا نعيش بلا شاورما”، صار عندكن حل!

هيدا الإختراع عجيب بس طيب ومننصحكن تجربوا لو حتى مرة! وخبرونا شو رأيكن! كمان من اختراعاتن البرغر على فتايل وسندويش الفتايل على جبنة، ليلي بحبوا يغامروا بالاكل.

هالمحل بكفررمان هوي كمان مقصدكن بالمنطقة لتجربوا أطيب سندويشة فتايل. الحلو إنو بيعملوها ع الطريقة التقليدية، أو مع جبنة دايبة ع الآخر وكبيس وبندورة، يعني حسب شو عبالكن تجربوا. شو عندو غير؟ سندويشات مشاوي، نخاعات، سودة، مسخن دجاج، وحتى سمك بزري!

العنوان: كفرمان، النبطية
الرقم: 050 807 03

شوفوا كمان، صار فيكن تجربوا ترند البطيخ بالحلوم بهيدا المحل ببيروت!