أغرب صدفة بتاريخ اللوتو: إخوة سحبوا نفس الأرقام وربحوا!

بقصّة الأولى من نوعها بتاريخ اللوتو، لبنان شهد أغرب صدفة! أخ واختو ربحوا بجائزة اللوتو اللي بتتخطى 124 مليار ليرة لبنانية، والغريب؟ ولا واحد كان عارف إنو التاني مختار نفس الأرقام!

الإخوة حافظ وسليمة سحبوا نفس الأرقام 2279 من دون ما يعرفوا، ولما طلع السحب، كانت المفاجأة الكبرى. وأكيد ولا بحياتن تخيّلوا إنو يصير هيك شي.

 ونشرت صفحة “اللوتو” عبر حسابها فيديو للحظة استلام الإخوة أكتر من 124 مليار ليرة لبنانية.

القصة عملت ضجّة بكل لبنان وصارت حديث الناس والسوشيال ميديا، لأنّو يا ما في ناس بتلعب اللوتو طول عمرها وما بتربح، وهني مش بس ربحوا، ربحوا بنفس الأرقام ومن دون ما يعرفوا! عنجد شي بيأكد إنّو الحظ مرات بيلعب لعبتو بطريقة غريبة.

الأكيد إنو هالربح رح يغيّر حياتن، وهالقصّة رح تضلّ وحدة من أغرب قصص الحظ بلبنان!

بدكن تسمعوا قصة لوتو غريبة كمان؟ شوفوا: ربح أكبر جائزة بتاريخ لوتو اللبناني بسبب كلبة إمو!