صار فيكن تطلبوا غسيل السيارة عالبيت – ديليفري!

كتار مننا ما عندن الوقت يروحوا عالطرمبة لغسيل السيارة، وخاصةً إذا في نطرة وصف. بس هلق Wash on Wheels لاقالكن الحل.

ما بقا في داعي تروحوا عالطرمبة وتنطروا دوركن، هول الشباب بيجو لعندكن، إذا كنتو بالبيت، بالشغل، أو حتى صافين السيارة بشي محل. بيهتموا فيها من فوق لتحت، بينضفوها بالتفاصيل، وحتى بقدموا خدمة polish إذا في خدوش أو شغلات زغيرة ما بتروح بالغسيل العادي. يعني سيارتكن رح ترجع شركة من بعد ما يخلصوا غسيل!

كيف بتصير القصة؟

 أو بتطلبوا الخدمة عبر تطبيق Toters (ابحثوا عن  Wash on Wheels ونقوا الخدمة يلي حابينها)، أو اتصلوا ب على 969 250 81 وخبروهنعن موقعكن وهني بيجو لعندكن بأسرع وقت وأسعارن على فكرة كتير مدروسة ومعقولة.

عنجد هيدي الفكرة كتير مهضومة خصوصي للناس يلي بتخاف عسيارتها وما عندها وقت تضل رايحة جايي أو ببساطة ما إلها جلادة تطلع من البيت خصوصي بهل صقعات. فيكن تكونوا بالبيت، بالشغل أو صافين شي محل وهني يهتموا بسيارتكن.

وأحلى من هيك، إذا بتحسوا إنو أضوية سيارتكن ما بقا تقشع منيح، ما بالضرورة يكون بدن تغيير، يمكن بس بدن تلميع! وهول الشباب بيهتموا بهالتفاصيل الزغيرة يلي بتفرق كتير عالطريق.

هون المفاجأة الحلوة! بـ10$ بس، بتغسلوا سيارتكن بنفس السعر يلي بتدفعوا عالطرمبة، بس الفرق إنكن ما عم تعملوا ولا شي! لا وقفة، لا نطرة، لا تعب.

خدمة غسيل الJeep أغلى بدولارين، وإذا حابين ينضفولكن الفرش والدعاسات كمان بزيد 3$. 

بلا معجقة وبلا وجعة راس، نضافة وفخامة عالآخر!

ومتل ما بيقولوا، “السيارة النضيفة بتعطي انطباع عن صاحبها!”

شوفوا كمان: تاكسي بيروت – صار فيكن تبرموا بيروت بس بـ4$!