دعاية بيبسي المنسية: لما إليسا غنت مع كريستينا أغيليرا وأشهر لاعبي العالم!

مين كان عارف إنو إليسا عملت دعلية مع كريستينا أغيليرا؟ نحنا عن جد تفاجأنا لما اكتشفنا هالخبرية، وقلنا لازم نحكي عنها!

هالإعلان تصور بأميركا لمصلحة بيبسي، وكان خاص لمونديال 2006 بألمانيا. الفكرة كانت حماسية: دمج الرياضة مع الموسيقى بعرض خيالي. الغنية اللي غنتها إليسا كانت “Da Da Da”، غنية ألمانية قديمة من 1980، بس بإحساس جديد ولمسة شرقية بتوقيع إليسا.

التعاون بين إليسا وكريستينا طلع مميز سنتها! إعلان بيبسي كان حديث الكل وقتها، خصوصي إنو جمع نجمتين كبار مع أشهر لاعبين كرة القدم. شفنا ديفيد بيكهام، روبرتو كارلوس، وتييري هنري كلن بنفس الإعلان، وهيدا الشي زاد الحماس أكتر.

المشهد بلش بجمهور ناطر المباراة، فجأة بتدخل كريستينا وإليسا على الملعب، وبيتوجهوا للميكروفون بالنص. الجمهور بينصدم شوي، بس بعد لحظات كلن بيندمجوا وبيغنوا معن!

الدعاية كانت مختلفة عن أي شي شفنا قبل. عندهل جو خاص، حماس وسحر ما بيتكرر. خلا كل العالم تردد “دا دا دا”، وصار جزء من ذكريات مونديال 2006.

شوفوا كمان، ٩ ممثلين لبنانيين اختفوا ووين صاروا هلق.