كل المطاعم و الكافيهات بقاعة المغادرة بمطار بيروت

رح تسافروا من بيروت قريباً؟ أو بس بدكن تعرفوا شو بيقدّم مطارنا؟ إذا بدكن قهوة سريعة أو شي تاكلوه قبل رحلتكن، مطار بيروت أو مطار رفيق الحريري الدولي فيه كذا محل للأكل والشرب قبل السفر. هيدي أبرز المطاعم و الكافيهات بقاعة المغادرة بقلب مطار بيروت.

1. Paul

المخبز الفرنسي المفضل ببيروت بيقدم الكرواسون المقرمش والقهوة الطيبة بقاعة المغادرة. إذا كانت رحلتكن الصبح بكير أو عبالكن لقمة خفيفة قبل ما تطلعوا، هلق صار فيكن تستمتعوا بالمعجنات الزبدية والإسبريسو الغني اللي بتحبوا.

2. زعتر و زيت

عند زعتر وزيت فيكن تبلّشوا رحلتكن بترويقة خفيفة، سلطة، أو حتى عصير طازة قبل ما توصلوا ع البوابة. خيار مميز إذا كنتوا عم تدوروا على شي خفيف وغني بالنكهة.

3. Dunkin’

دانكن دونتس وجهتكن بالمطار لفنجان سريع وحلو قبل الرحلة. وما تنسوا تدوقوا الدوناتس يلي عندن.

4. Bartartine

هيدا المحل موجود حدّ اللاونج وبيطلّ عالمدرجات بالمطار، بارتارتين بيقدملكن تشكيلة واسعة من السندويشات، السلطات، الحلويات والمشروبات ليشبعوكن إنتو وناطرين طيارتكن.

5. لاتيه آرت

فيكن تلاقوا مكانكن المفضل للقهوة بترمينال المغادرين، فيكن تاخدوا قهوتكن قبل ما تروحوا للبوابة! الموقع كتير مناسب للّي ما عنده طاقة يبرم بالمطار وبيفضل يقعد حدّ البوابة ويريّح راسه قبل الطيارة.

6. Prunelle

Prunelle بلشت تعمل المخبوزات الطيبة والحلويات الطازة من سنة 1995، وهلّق عم تجيب أطيب أكلاتن المميزة لقاعة المغادرة بمطار بيروت. 

7. برجر كينغ

برغر كينغ المطعم المناسب لكل يلي عبالو برغر طيبة ومحرزة تسد الجوع كل رحلتكن.

8. Fly Juice

عصير فريش بمطار بيروت بيقدملكن جرعة من النشاط قبل رحلتكن! فيكن تختاروا من تشكيلة واسعة من العصير الطازة، من الليمون الحامض لخلطة كوكتيل منعشة.

9. Agha

عبالكن سندويشة طيبة وبتشهي قبل رحلتكن؟ ما إلكن إلا مطعم الآغا المحبوب!

10. Take Off Bar

خيار تاني رائع للقهوة بالمطار بقدملك تشكيلة متنوعة من المخبوزات الطازة، المناقيش، عصير فريش، قهوة طيبة والمزيد. 

11. فريديز

فريديز هو خيار مثالي للناس يلي عبالن وجبة دسمة أكتر، بيقدم أكلات مشبعة متل الهوت دوغز الكلاسيكية وغيره من الأكلات المحرزة. هالمطرح مثالي للّي بدو يدلل حالو قبل رحلتو.

خبرونا أي المطاعم بتحبوا تفتح بعدين بقلب مطار بيروت؟

شوفوا كمان، ستوريز كافيه الشهير بفرع جديد ع رملة البيضا!