وين بتلاقوا أطيب تشيكن ساب بلبنان؟

إذا كنتو من عشاق التشيكن ساب، فأكيد عم تسألوا حالكن وين فيكن تاكلوا ساندويش يكون طري، محشي عالآخر، ومليان نكهات بتاخد العقل! لهيك جمعنالكن أهم المحلات بلبنان يلي بيعملوا أطيب تشيكن ساب لازم تجربوا.

١. سناك الشو فروا Chaud Froid، الدكوانة وأنطلياس

هيدا السناك معروف بساندويشاتو الغنية والنكهة اللي ما بتنتسى! التشيكن ساب عندن معرمة بالدجاج، غرقان بالصوص، والخبزة طرية عالآخر. لقمة بتدوب بالتم وتناسب الميزانية كمان.

الدكوانة: 502 444 04
أنطلياس: 071 102 03

٢. Snack Mike، جبيل

كل السندويشات عند مايك بشهو، مع الخبزة المحمصة، وصوص سرية بتعطي طعمة غير شكل. أشهر ساندويش عندن؟ الساب مارين والتشيكن ساب… رح تصيروا مدمنين من أول لقمة!

الرقم: 157 240 03

٣. خندويتش، جبيل

هيدا المحل جوهرة مخفية، بيحضر السندويشات قدامكن وعلى راحتكن، وقعدة المحل بنص سوق جبيل مهضومة بتخلي التجربة غير شكل. التشيكن ساب عندن طيب كتير، مع نكهات مش ممكن تنسوها!

الرقم: 333 222 09

٤. مر فروج، كفرنبرخ (الشوف)

هون الساندويشات فريش عالآخر، لأن الدجاج من مزارعن. التشيكن ساب بيجي بقلب خبزة فرنجي محمصة مع كبيس، درة، خس، وصوص مايونيز سرية! تجربة ما بتتفوت!

الرقم: 522 568 71

٥. The Koozspace، بعبدا

إذا بدكن سندويش لذيذ وقعدة حلوة، هيدا المحل لكل حدا عبالو يشتغل بمحل رايق. عندن كل أنواع السندويشات، بس التشيكن ساب هون غير شكل، معمول بكتير اهتمام وطعمتو خرافية!

الرقم: 208 195 81

٦. Container، مجدليون (صيدا)

هيدا المحل ملك النكهات! السندويشات عندن بشبعوا على الآخر، وخياراتن كلها قوية. إذا كنتوا بصيدا وعبالكن تشيكن ساب، ما إلكن إلا هيدا العنوان!

الرقم: 054 480 70

٧. Jo’s House of Subs، بعقلين

هيدا المحل عبارة عن بيت سندويشات الساب! الخبزة طازة وسخنة، والسندويشات معمولة بحب كأنها من البيت. التشيكن ساب عندو ما بتفوت، وجاهز يلبي كل طلباتكن.

الرقم: 567 302 25

٨. ميني غيت، سليم سلام، جل الديب، والمكلس

اللي بيميز هالمحل إنو بتاكلوا لقمة مرتبة بأسعار كتير مقبولة. كل سندويش عندن معرمة بالمكونات وأكيد التشيكن ساب عندن من الأفضل!

الرقم: 707 470 70

٩. سناك الأستاذ، الزلقا والسوديكو

في شغلتين ضروري تجربوهن عند الأستاذ اللي هني شاورما دجاج والتشيك ساب الشهيرة. التشيكن ساب عندن لذيذة ومليئة.

الرقم: 788 799 70

١٠ . Submarine، مار مخايل وصيدا

وما وقفت بس ع الفاهيتا، بتلاقوا عندن تشكيلة شهية من السندويشات المنوعة من الطاووق، الروستو، الفيلادلفيا، الفاهيتا وغيرن، والمفضلة سندويش التشيكن ساب.

الرقم: 313 760 71

إذا بعد ما قررتوا من وين تطلبوا، الحل بسيط… جربوهن كلن!

شوفوا كمان، صار فيكن تجربوا ترند البطيخ بالحلوم عند هيدا المحل ببيروت.