هيدا السناك اللبناني عندو أهضم أسامي ع المنيو!

سناك ع اللبناني واحد من أطيب السناكات بالحمرا، وعندو شو ما بيخطر عبالكن من السندويشات والبرغر ع الطريقة اللبنانية المحبوبة، إن كان للترويقة أو الغدا. بس شي مرة انتبهتوا للمنيو عندن؟ قررنا نطلب مبارح وللصراحة أول مرة منشوف هيك منيو مهضومة هلقد، وأبدًا ما عم نحكي عن الأكل.

أول ما تشوفوا منيو سناك ع اللبناني، ما فيكن ما تضحكوا ع أسامي السندويشات والتفاصيل تبعن، خلونا نفرجيكن عن شو عم نحكي (إذا عندكن حشرية تشوفوا المنيو، اكبسوا هون):

للترويقة فيه:

“بيض مشوي مش محروق”

“لبنة بلدية مش بونجوس” 

“لبنة معزة مدعبلة ومهضومة” 

و ع الغدا بتلاقوا:

“طاووق أقوى من الملك”

“علبة بطاطا: إنو شو بدو يجي معها غير كاتشاب؟”

طيب والتحلاية؟

“حلاوة إخت البقلاوة”

يلي عامل المنيو عند سناك ع اللبناني مش بس مبدع بس كمان آخر رواق، وممكن هالتفصيل الصغير يخلي تجربتكن عندن أحلى. مننصحكن تجربوا بعد البرغر اللبناني ع أصولو، وأكيد طبق الاسكالوب بيعملوا غير شكل. سندويشاتن كبيرة كريمة، وأسعارن سوبر حلوة ومقبولة!

ما تنسوا تابعوا حسابن ع انستغرام هون.

بتلاقوهن بالحمرا، وعندن توصيل ع كل بيروت وضواحي جل الديب. للتواصل على الرقم: 869 699 81. 

شوفوا كمان، لقينا أطيب مطعم دجاج مقرمش بلبنان!