أول ظهور لهيفا على الشاشة: بفيديو مع سلطان الطرب سنة 1996!

إذا كنتو مفكرين إنو هيفا وهبي بلشت شهرتها بأول غنية إلها “أقول أهواك” سنة 2002، فكروا مرة تانية!

^{Credits: classic}

الحقيقة إنو هيفا كانت تحت الأضواء من قبل، تحديداً من سنة 1992 لما ربحت لقب ملكة جمال الجنوب، وبعدها صارت تطل بإعلانات وكليبات.

أحد أشهر الكليبات اللي ظهرت فيهن ويلي كان بوابة شهرتها كان مع سلطان الطرب جورج وسوف بغنية “أرضى بالنصيب” سنة 1996. وقتها كانت هيفا بأول العشرينات، وطلت بالكليب كعارضة أزياء خطفت الأنظار بجمالها وجاذبيتها.

إذا بعد ما شفتوا الكليب، فيكن تشوفوا هون! صوت الوسوف المميز، وأداء هيوفا العفوي رح ياخدوكن لحقبة غير، ورح تكتشفوا الفرق بين شكلها من زمان وهلق.

بوقتها، هيفا وهبي كانت معروفة بجمالها الطبيعي وملامحها الفاتنة، بس مع السنين والتطورات التجميلية، صارت أيقونة جمال بالنسبة لكتار. يمكن تكونوا بعدكن متذكرين كيف بهرت الناس بظهورها بهالكليب، واليوم المقارنة صارت شي طبيعي!

بالكليب، هيفا لعبت دور العارضة اللي بينعجب فيها جورج وسوف (اللي كان عم يلعب دور المصور)، بس أول شي كانت متكبرة علي، قبل ما تصير مهتمة في بعد ما يخلصها من الموت من حادث كان رح يقتلها. وهيك كانت البداية لنجومية بلشت تكبر أكتر وأكتر!

شوفوا كمان، سيرين، هيفا، ويوسف الخال بمسلسل جديد: شو القصة؟