٨ بيوت ضيافة مع بيسين شوفي… فيكن تسبحوا بهالطقس!

مين قال إنو السباحة محصورة بالصيف؟ بهالمطارح، فيكن تستمتعوا ببيسين شوفي دافي وتجربة غير شكل بكل المواسم! لقينا ٨ بيوت ضيافة حول لبنان، كل واحد منن بيقدم جو مميز، فيو خرافي، وأجواء رايقة بعيدة عن العجقة.

١. Hidden Rooms، برجين

إذا عبالكن تجربة رايقة بين الطبيعة مع فيو بيسحر، Hidden Rooms هو العنوان! هالفيلا بتجمع بين الديزاين العصري والقعدة الريفية، مع مسبح داخلي بيخليكن تستمتعوا بالمي الدافية حتى بأبرد الأيام. قعدة رومانسية أو جمعة مع الأصحاب، الخيار لإلكن!

الرقم: 871 097 03

٢. Oakridge Hotel & Spa، فقرا

فخامة، راحة، وفيلا بجو جبلي بيشبه الأحلام! أكتر من مجرد بيت ضيافة، هوي أوتيل وسبا مع أجواء بتاخد العقل. المسبح الداخلي بيطل على الجبال المغطاية بالتلج، يعني السباحة هون تجربة ما بتتفوت، خاصة بليالي الشتوية الباردة.

الرقم: 009 707 70

٣. Scappa Resort، عجلتون

منتجع بإطلالة خيالية بين الجبال بيجمع بين الراحة والأجواء الدافية. البيسين الشوفي هون بيخليكن تستمتعوا بالمي الدافية وإنتو عم تتفرجوا على الصخور حواليكن. مثالي للهروب من ضغوطات الحياة والاسترخاء بأجواء فخمة.

الرقم: 070 106 70

٤. Catalpa، بعقلين

إذا كنتوا من عشاق التصميم الأنيق والقعدة الرايقة، Catalpa هو المكان المثالي. بيت ضيافة مع مسبح داخلي بيضفي لمسة رومانسية، وشاشة أفلام بتخلي الأجواء بعد أحلى. مشهد الغروب من هون ما بينوصف!

الرقم: 089 093 03

٥. Villa Joie، فتري

بيت ضيافة ساحر بإطلالة مفتوحة على الجبال، Villa Joie هو المكان المثالي للراحة والاستجمام. البيسين الداخلي بيخليكن تستمتعوا بالسباحة بأي وقت، والموقع بين الطبيعة بيعطي راحة نفسية بعيد عن ضجة المدينة.

الرقم: 863 393 81

٦. Casadar، طريق عنايا

هالمطرح مزيج مثالي بين التراث اللبناني والتصميم العصري، مع مسبح داخلي وخارجي لكل الأذواق! Casadar مش بس مكان للنوم، هوي تجربة بتخليكن تحسوا كأنكن بأحلى منتجع مع جلسات استرخاء وإطلالات بتخطف الأنفاس. عندن كمان جاكوزي وبيسين على الستيل الروماني.

الرقم: 059 019 03

٧. Ferdasia Resort، النبطية

بعيد عن الضجة وبقلب الطبيعة، Ferdasia Resort وجهة مميزة لكل يلي بدن ينسوا هموم الحياة. غرف فخمة، مسبح داخلي دافي، وإطلالة بتخليكن تحسّوا إنكن بأحلى مكان استجمام بالجنوب.

الرقم: 904 980 71

٨. فيلا الجبل، الكحلونية

قعدة رايقة، فيو على الجبال، وبيسين شوفي دافي؟ هالفيلا عندها كل هول ببيت ضيافة راقي ومثالي لجمعات الأصحاب أو الويك أند الرومانسي. تجربة ما بتتفوت لمحبي الراحة والسباحة.

الرقم: 394 685 81

جاهزين لتجربة مميزة؟ احجزوا مطرحكن واستمتعوا بأجواء ولا أحلى مع سباحة دافية ومناظر بتجنن!

شوفوا كمان، ٩ محلات مهضومة لازم تزوروهن مع ولادكن.