٩ محلات مهضومة لازم تزوروهن مع ولادكن!

إذا بدكن تقضوا نهار حلو مع ولادكن وتبعدوا عن الروتين، حضروا حالكن لرحلة مسلية! جمعنالكن ٩ محلات مهضومين، كل واحد فيهن عندو جو خاص وتجربة غير شكل. من المغامرات، للألعاب، للأنشطة التفاعلية، أكيد رح تلاقوا شي بيناسبكن!

١. Alley Gators – الـ Playground الجديد بالمدينة!

إذا ولادكن بيحبوا الألعاب والحركة، ما إلكن إلا Alley Gators. ملعب مسلي فيه أنشطة للأطفال، وموقعو ولا أسهل، موجود ب ABC ضبيه ومزار كفردبيان.

الرقم: 284 462 03

٣. Dino City – مدينة الديناصورات العجيبة!

خلو ولادكن يعيشوا تجربة من عالم تاني! Dino City بعجلتون بتقدملن فرصة يستكشفوا الديناصورات، يلعبوا بنشاطات تفاعلية، ويعيشوا مغامرة ولا أروع.

الرقم: 999 395 81

٣. نهار مميز بالطبيعة بقرنعون فيلادج، البترون!

إذا بدكن تاخدوا ولادكن على مشوار حلو بالطبيعة، قرنعون هوي المكان المثالي! نشاطات، مغامرات، أكل طيب ومناظر بتخليكن تعيشوا أحلى الأوقات.

الرقم: 502 342 03

٤. Choco Story – متحف الشوكولا الحلو عن جد!

مين ما بيحب الشوكولا؟ بهالمتحف، ولادكن رح يتعرفوا على تاريخ الشوكولا ويدوقوا أنواع مختلفة منو. تجربة بتجمع بين التسلية والطعم الطيب!

الرقم: 616 868 78

٥. Sippy Cup – اشربوا قهوتكن وهني عم يلعبوا!

إذا بدكن تروقوا ع فنجان قهوة هني وولادكن عم بيلعبوا وبيشاركوا بورشات عمل، Sippy Cup بالأشرفية هوي المكان المثالي. جو حميم ومريح لكل العيلة.

الرقم: 165 626 76

٦. عملوا بيكنيك بأرصون فيلادج!

إذا الطقس حلو، ما في أحلى من بيكنيك عند أرصون فيلادج. الطبيعة الخضرا والأجواء الهادية بيخلوا النهار ممتع لكل العيلة.

الرقم: 111 228 71

٧. Funloc – مغامرة حقيقية بلعبة مونوبولي!

جربوا تلعبوا مونوبولي بالحجم الضخم ب Funloc بعمشيت. تجربة مميزة لكل أفراد العيلة، فيا حماس وتحدي من نوع جديد.

الرقم: 512 532 70

٨. Venice Creative Café – خليهن يعبروا عن حالن بالرسم!

إذا ولادكن بيحبوا الفن، ما إلكن إلا Vernice Creative Café بقريطم. فيهن يرسموا، يلونوا، ويعبروا عن إبداعهن بأجواء حلوة ومريحة.

الرقم: 455 599 71

٩. Fizz Zone – أكبر مدينة ملاهي للألعاب المنتفخة!

بتعرفوا إنو Fizz Zone هو أكبر مدينة ملاهي داخلية للألعاب المنتفخة بالعالم، مش بس بلبنان؟ تجربة كلها طاقة وحماس لكل الأعمار، فيها ألعاب بتخليكن تنطوا وتتحركوا وتتسلوا!

الرقم: 668 949 70

شوفوا كمان، تاكسي بيروت: صار فيكن تبرموا بيروت بس بـ 4$!