٥ محلات بتلاقوا عندن أطيب صاروخ منقوشة بلبنان!

إذا كنتوا بتحبوا المناقيش وبتحبوا تزيدوا عيارها شوي، صاروخ منقوشة هوي الخيار يلي رح يشبعكن ويخليكن تجربوا شي طيب بنفس الوقت! عجينة طازة، حشوة مليانة، وطعمة بتاخد العقل… شو بدكن أكتر؟ لهيك، جمعنالكن أحسن المحلات يلي بتعمل أطيب صاروخ منقوشة بلبنان، وكل محل عندو نكهتو المميزة!

١. نسوان الفرن، بكفيا

من قلب بكفيا، نسوان الفرن قدروا يعملوا إسم لحالن بمنقوشتن الطازة واللذيذة، وصاروخ المنقوشة عندن من الأطيب بالمنطقة! العجينة خفيفة، الحشوة حرزانة، والنتيجة؟ طعمة بتخليكن ترجعوا كل يوم. إذا كنت بالجبل وبدكن صاروخ منقوشة تشبعكن، هيدا هوي المكان يلي لازم تزوروا!

الرقم: 056 109 81

٢. فرن مرشاق

المنقوشة عند فرن مرشاق أشهر من نار على علم، وصاروخ المنقوشة مش استثناء! إذا كنت بالجميزة أو البترون، جربوا التشكيلة العجيبة من الصواريخ، من الزعتر والجبنة، للبيض والجبنة، وحتى السجق المليان نكهات. الصاروخ عندن مليان طعمات ونكهات.

البترون: 050 740 06
الجميزة: 060 444 76

٣. منقوشة شيبان، فرن الشباك

المعروف لا يُعرف، ومنقوشة شيبان إسم بيحكي عن حالو! الصاروخ منقوشة عندن تجربة بحد ذاتها، خصوصي إذا كنتو من عشاق النكهات الغريبة. جربوا الكفتا ع الموتزاريلا أو السجق ع الموتزاريلا، وعيشوا التجربة الحقيقية لمنقوشة مليانة طعمة وبتغني عن وجبة غدا.

الرقم: 691 616 01

٤. أبو شادي، الحمرا

أبو شادي محل شعبي، زغير بس مليان نكهات! الصاروخ منقوشة عندو مزيج مثالي بين العجينة المشلوحة وحشوة الجبنة والسبانخ يلي بتدوب بالتم. إذا بعدكن ما جربتوه، ضروري تجربوا!

٥. فرن جاك

إذا كنتوا من محبي المناقيش على الطريقة التقليدية، بس كمان بتحبوا تطلعوا شوي عن المألوف، فرن جاك هوي خياركن المثالي! مش بس عندن مناقيش وكعك وصواريخ زغيرة مليانة النكهات، حتى عندن عجينة بخبز الشوفان للي بحب الخيارات الأخف. جرّبوا الصاروخ زعتر أو جبنة، أو عيشوا تجربة جديدة مع شي مميز من عندن!

العنوان: سد البوشرية والفنار
الرقم: 646 003 81

شوفوا كمان، إختراع جديد من حلويات السلطان: كرونات!