لقينالكن محل اختصاصو الكنافة النابلسية ببيروت

وين بتلاقوا الكنافة النابلسية بتشهي ببيروت؟ لكل محبي الكنافة، محل “رم بيروت” بالحمرا هو وجهتكن المثالية لتعيشوا تجربة تذوق أصيلة. رم متخصص بالكنافة النابلسية، وحدة من أشهر وألذ الحلويات بالمنطقة كلها وحبينا ناخدكن معنا مشوار على هالمحل. 

رم بيقدّم الكنافة بالطريقة النابلسية التقليدية وع أصولها، مع تجربة ما بتنتسى وغنية بالنكهات الشرقية يلي بتخلي كل حدا بيدوقها بينغرم فيها. 

منظر الكنافة لحالو بيحكي! طبقة دهبية ومقرمشة من عجينة الكنافة، محشية بالجبنة ومغرّقة بالقطر، ميّ الورد، ومزينة بالفستق الحلبي المطحون اللي بضيف لها نكهة مميزة. ومش بس هيك، فيكن كمان تجربوها بطريقة جديدة و ع شكل كب كايب كنافة، أديه مهضوم؟

استمتعوا بهيك لحظات وهيك كنافة بتشهي مع فنجان قهوة عربية، وجو مثالي لتروقوا راسكن.

وإذا عبالكن تروحوا مع أصحابكن وتقضوا العصرونية عندن، ما تنسوا تلعبوا دق طاولة!

أما بالنسبة لديكور المحل، فهو مستوحى من التراث العربي والصوفي، بيجمع بين الأصالة اللبنانية واللمسات الفنية الشرقية. كل زاوية بالمحل بتعكس لمحة من تراثنا، وهالشي بخليكن تحسوا حالكن رحتوا برحلة بالزمن.

خبرونا، أي بتفضلوا الكنافة النابلسية أو الكنافة بالكعكة؟

فيكن تابعوا المحل ع انستغرام عبر الرابط هون. للمزيد من المعلومات أو الطلب، اتصلوا على 606 989 76.

عجبكن هالمحل يلي عندو الكنافة النابلسية؟ شوفوا كمان، هيك أسعار كعكة الكنافة عند أشهر المحلات بلبنان!